ആഘോഷത്തിൻ്റെ അന്തരീക്ഷവുമായി CPKC ഹോളിഡേ ട്രെയിൻ വീണ്ടും ആൽബർട്ടയിലേക്ക്. ഈ ഡിസംബറിൽ ആൽബെർട്ടയിലുടനീളം ട്രെയിൻ വീണ്ടും സഞ്ചാരം നടത്തും. വർണ്ണാഭമായി അലങ്കരിച്ച ഈ ട്രെയിൻ ക്രിസ്മസിൻ്റെ ആവേശം എല്ലായിടത്തും എത്തിക്കാനും പ്രാദേശിക ഫുഡ് ബാങ്കുകൾക്കായി പണം സമാഹരിക്കാനുമായി നിരവധി കമ്മ്യൂണിറ്റികളിൽ നിർത്തും. എല്ലാ പ്രായക്കാർക്കും ആസ്വദിക്കാൻ കഴിയുന്ന വിധത്തിൽ, ലൈവ് സംഗീത പരിപാടികളും വർണ്ണാഭമായ ലൈറ്റുകളും ഈ ട്രെയിനിൻ്റെ പ്രത്യേകതയാണ്. ഈ വർഷം കനേഡിയൻ സംഗീതജ്ഞരുടെ പ്രകടനമാണ് ട്രെയിനിൽ ഒരുക്കിയിട്ടുള്ളത്. ഷോകൾ സൗജന്യമാണെങ്കിലും, കമ്മ്യൂണിറ്റി ഫുഡ് പ്രോഗ്രാമുകളിലേക്ക് ഭക്ഷണമായോ പണമായോ നല്കുന്ന സംഭാവനകൾ സ്വീകരിക്കുകയും ചെയ്യും. വർഷങ്ങളായി, ദശലക്ഷക്കണക്കിന് ഡോളറും ഭക്ഷണവും ഹോളിഡേ ട്രെയിൻ വഴി ശേഖരിക്കാൻ കഴിഞ്ഞിട്ടുണ്ട്.
കാൽഗറി, എഡ്മൻ്റൺ, റെഡ് ഡിയർ ഉൾപ്പെടെ ആൽബെർട്ടയിലെ വിവിധ ചെറുപട്ടണങ്ങളും നഗരങ്ങളും ഈ ട്രെയിൻ സന്ദർശിക്കും. ഓരോ സ്റ്റോപ്പിലും ഏകദേശം 30 മിനിറ്റ് നിർത്തും. ആളുകൾക്ക് ഷോ ആസ്വദിക്കാനും ട്രെയിൻ ജീവനക്കാരെ കാണാനും സമയം നൽകുന്നതിനാണ് ഇത്. 1990-കളുടെ അവസാനത്തിലാണ് CPKC ഹോളിഡേ ട്രെയിൻ തങ്ങളുടെ യാത്ര ആരംഭിച്ചത്. ഇന്ന് കാനഡയിലെ ഒരു പ്രിയപ്പെട്ട ക്രിസ്മസ് പാരമ്പര്യമായി ഇത് മാറിക്കഴിഞ്ഞു. ട്രെയിൻ ഓരോ കമ്മ്യൂണിറ്റിയിലും എത്തുന്ന സമയം ഷെഡ്യൂളുകൾ പരിശോധിക്കുന്നതിലൂടെ അറിയാൻ കഴിയും. ഒരു നല്ല കാര്യത്തെ പിന്തുണയ്ക്കുന്നതിനൊപ്പം ആളുകളെ ഒന്നിപ്പിക്കുക എന്നത് കൂടിയാണ് ഈ പരിപാടിയുടെ ലക്ഷ്യമിടുന്നതെന്ന് സംഘാടകർ പറയുന്നു.
