ശൈത്യകാലത്ത്‌ ഭവനരഹിതരെ സഹായിക്കുന്നതിനായി ആയിരത്തി ഇരുന്നൂറിലധികം ഷെൽട്ടറുകൾ തുറക്കാനൊരുങ്ങി ടൊറൻ്റോ സിറ്റി. ശൈത്യകാല സേവന പദ്ധതിയുടെ ഭാഗമായാണ് ഈ നീക്കം. നവംബർ 15 മുതൽ ഏപ്രിൽ 15 വരെ ഷെൽട്ടറുകൾ തുറക്കുന്നിരിക്കുമെന്ന് സിറ്റി അധികൃതർ അറിയിച്ചു. 370 സ്ഥിരവും സഹായകരവും സബ്സിഡിയുള്ളതുമായ ഭവന യൂണിറ്റുകൾ, 244 വാം സെന്റർ സ്‌പെയ്‌സുകൾ, അതുപോലെ തന്നെ 490 പുതിയ ഷെൽട്ടർ സ്‌പെയ്‌സുകൾ,175 സർജ് കപ്പാസിറ്റി സ്‌പെയ്‌സുകൾ എന്നിവ പദ്ധതിയിൽ ഉൾപ്പെടുന്നു. കൂടാതെ, കൊടും തണുപ്പുള്ള സമയത്ത് കൂടുതൽ ദുരിതാശ്വാസ സംഘങ്ങളെ അയയ്ക്കുമെന്നും, ശൈത്യകാലം മുഴുവൻ ചൂടുള്ള വസ്ത്രങ്ങൾ, സ്ലീപ്പിംഗ് ബാഗുകൾ, മറ്റ് സാധനങ്ങൾ എന്നിവ നൽകുന്നതിനായി പതിവ് ഔട്ട്റീച്ച് പരിപാടികൾ തുടരുമെന്നും സിറ്റി പറയുന്നു.
ഞായറാഴ്ച താപനില -5 ഡിഗ്രി സെൽഷ്യസിലേക്ക് താഴുമെന്നു പ്രതീക്ഷിക്കുന്നതിനാൽ ഈ വാരാന്ത്യത്തിൽ തിരഞ്ഞെടുത്ത ചില പുതിയ ഷെൽട്ടർ സ്‌പെയ്‌സുകൾ തുറക്കുമെന്നും ടൊറന്റോ സിറ്റി അറിയിച്ചു.
