അടുത്ത അഞ്ച് വർഷത്തിനുള്ളിൽ 6000 കോടി ഡോളർ ലാഭം കണ്ടെത്തുന്നതിന്റെ ഭാഗമായി പബ്ലിക് സർവീസിലെ 28,000 തസ്തികകൾ കൂടി വെട്ടിക്കുറയ്ക്കാൻ പദ്ധതിയിട്ട് ഫെഡറൽ സർക്കാർ. ജോലിയിൽ നിന്ന് പിരിച്ചുവിടൽ, ജീവനക്കാരുടെ സ്വയം വിരമിക്കൽ, നേരത്തെയുള്ള വിരമിക്കൽ എന്നിവയിലൂടെയാവും പദ്ധതി നടപ്പിലാക്കുക. 2028-29 ഓടെ ജീവനക്കാരുടെ എണ്ണം 3.3 ലക്ഷമായി നിലനിർത്തുകയാണ് ലക്ഷ്യം. 16,000 ഫുൾ-ടൈം തസ്തികകൾ വെട്ടിക്കുറയ്ക്കുന്നതിനൊപ്പം, സ്വമേധയാ വിരമിക്കുന്നതിനായി 50 വയസ്സിന് മുകളിലുള്ള ജീവനക്കാർക്കായി ‘ഏർളി റിട്ടയർമെന്റ് ഇൻസെന്റീവ്’ പദ്ധതിയും പ്രഖ്യാപിച്ചിട്ടുണ്ട്. കാനഡ സ്ട്രോങ് ബജറ്റ് 2025-ൽ ആണ് പദ്ധതിയുടെ രൂപരേഖ വ്യക്തമാക്കിയത്.

വൻതോതിലുള്ള തസ്തിക വെട്ടിക്കുറയ്ക്കൽ പ്രധാനമായും ഒട്ടാവ-ഗാറ്റിനോ മേഖലയിലെ തൊഴിൽ രംഗത്തെ കാര്യമായി ബാധിക്കുമെന്ന് വിലയിരുത്തപ്പെടുന്നു. അതേസമയം, സർക്കാർ പ്രവർത്തനങ്ങളുടെ കാര്യക്ഷമത വർധിപ്പിക്കുന്നതിനായി ആർട്ടിഫിഷ്യൽ ഇന്റലിജൻസ് (AI) ഉപയോഗിക്കാനുള്ള പുതിയ പദ്ധതികളും ബജറ്റ് 2025-ൽ ഉൾപ്പെടുത്തിയിട്ടുണ്ട്. നിലവിലെ നിയമനിർമ്മാണങ്ങളിലൂടെ സാമ്പത്തിക ഭാരം കുറച്ച്, കൂടുതൽ സുസ്ഥിരമായ ഒരു പൊതുസേവന സംവിധാനം ഒരുക്കാനാണ് സർക്കാർ ശ്രമിക്കുന്നത്.