വൈവിധ്യമാർന്ന ജീവികളുടെ ആവാസ കേന്ദ്രമാണ് ആൽബെർട്ട. അതിൽ ഏറ്റവും കൗതുകകരമായ ജീവിയാണ് കണ്ണിൽ നിന്നും രക്തം ചീറ്റുന്ന അപൂർവ്വ ഇനം പല്ലികൾ. ചെറിയ കൊമ്പുകളുള്ള പല്ലിക്ക് ചായക്കപ്പിന്റെ വലിപ്പമാണുള്ളത്. ഷോർട്ട്-ഹോൺ-ലിസാർഡ് എന്ന് വിളിക്കുന്ന ഈ വർഗം ആൽബെർട്ടയിലെ ഏക തദ്ദേശീയ പല്ലി ഇനമാണ്. ഇവ വംശനാശ ഭീഷണി നേരിടുന്ന ജീവികളിൽ ഉൾപ്പെട്ടവയാണ്. സൗത്ത് സസ്ക്കാച്ചെവൻ നദിക്കരയിലുള്ള ആവാസവ്യവസ്ഥകളിലും, മെനിബേറീസ് ഹിൽസ്, ചിൻ കൂലി/ ഫോർട്ടി മൈൽ കൂലി കോംപ്ലക്സ്, മിൽക്ക് റിവർ എന്നിവടങ്ങളിലാണ് സാധാരണയായി കണ്ടുവരുന്നത്. ഇവ അസാധാരണമായ പ്രതിരോധം തീർക്കുന്നതിന് പേരുകേട്ടതാണ്. കണ്ണിൽ നിന്നും രക്തം ചീറ്റിയാണ് ശത്രുക്കളെ ഇവ പ്രതിരോധിക്കുന്നത്.
ഇവയുടെ കണ്ണിന് താഴെയുള്ള കലകളായ ഓക്കുലാർ സൈനസുകളിൽ രക്തം നിറച്ചാണ് പ്രതിരോധ സംവിധാനം സൃഷ്ടിക്കുന്നത്. ആസ്ക് നേച്ചർ പ്രകാരം, കണ്ണുകളുടെ ഉപരിതലത്തിൽ നിന്ന് പൊടിയും കണികകളും നീക്കം ചെയ്യുന്നതിനും ഈ രീതി ഇവ ഉപയോഗിക്കുന്നു. ആൽബെർട്ടയിൽ ഇവയുടെ എണ്ണം ഗണ്യമായി കുറഞ്ഞുവരികയാണ്. 2022 ൽ നേച്ചർ കൺസർവെൻസി ഓഫ് കാനഡ(NCC)യിലെ ഗവേഷകർ എട്ട് പല്ലികളെ കണ്ടെത്തിയിരുന്നു. ഇതുവരെ കണ്ടെത്തിയതിൽ വെച്ച് റെക്കോർഡ് എണ്ണമാണിത്.
