എഡ്മണ്ടൻ മുനിസിപ്പൽ തിരഞ്ഞെടുപ്പിന് ഒരു മാസം മാത്രം ശേഷിക്കെ, പ്രചാരണം ശക്തമാക്കി സ്ഥാനാർത്ഥികൾ. ഒക്ടോബർ 20-നാണ് എഡ്മണ്ടൻ മുനിസിപ്പൽ തിരഞ്ഞെടുപ്പ്. ഡിജിറ്റൽ പരസ്യങ്ങൾ, പത്രങ്ങളിലെയും ബിൽബോർഡുകളിലെയും പരസ്യങ്ങൾ, ബസുകളിലെ പരസ്യം എന്നിവയെയാണ് മേയർ സ്ഥാനാർത്ഥിയായ ടിം കാർട്ടെൽ ഉൾപ്പെടെയുള്ളവർ കൂടുതലായി ആശ്രയിക്കുന്നത്. നേരിട്ടുള്ള ഇടപെടലുകളും, വീടുകൾ കയറിയുള്ള വോട്ട് അഭ്യർത്ഥനകളും തുടരുന്നു.
അതേസമയം, സമൂഹമാധ്യമങ്ങളിലുള്ള അമിത ആശ്രയം ഫലം ചെയ്യില്ലെന്ന് രാഷ്ട്രീയ വിശകലന വിദഗ്ധൻ നജിബ് ജട്ട് അഭിപ്രായപ്പെട്ടു. നേരിട്ടുള്ള ഇടപെഴകലുകൾക്കാണ് പ്രാധാന്യമെന്നും അദ്ദേഹം ചൂണ്ടിക്കാട്ടി. അതേസമയം തിരഞ്ഞെടുപ്പ് പ്രചാരണ ബോർഡുകളെക്കുറിച്ചുള്ള പരാതികളും വർധിക്കുന്നുണ്ട്. ജൂൺ മുതൽ 60 പരാതികൾ ലഭിച്ചതായി എഡ്മണ്ടൻ സിറ്റി കൗൺസിൽ അറിയിച്ചു.
