പ്രധാനമന്ത്രി മാർക്ക് കാർണിയും ഒന്റാരിയോ പ്രീമിയർ ഡഗ് ഫോർഡും ഇന്ന് ഓട്ടവയിൽ കൂടിക്കാഴ്ച നടത്തും. ജീവിതച്ചിലവ് കുറയ്ക്കൽ, ഭവന പ്രതിസന്ധി, കുറ്റകൃത്യങ്ങൾ എന്നിവയെക്കുറിച്ച് ഇരുവരും ചർച്ച ചെയ്യുമെന്ന് പ്രതീക്ഷിക്കുന്നതായി വൃത്തങ്ങൾ പറഞ്ഞു. ഹൗസ് ഓഫ് കോമൺസിൻ്റെയും പ്രൊവിൻഷ്യൽ ലെജിസ്ലേച്ചറിൻ്റെയും ശരത്കാല സമ്മേളനങ്ങൾക്ക് മുന്നോടിയായി ഇരുവർക്കും പരസ്പരം ബന്ധപ്പെടാനുള്ള അനുയോജ്യമായ അവസരം കൂടിയാവും ഈ കൂടിക്കാഴ്ചയെന്നും ഫെഡറൽ വക്താവ് കൂട്ടിച്ചേർത്തു.
ബുധനാഴ്ച വരെ നടക്കുന്ന അസോസിയേഷൻ ഓഫ് മുനിസിപ്പാലിറ്റീസ് ഓഫ് ഒന്റാരിയോ സമ്മേളനത്തിനായി ഡഗ് ഫോർഡ് ഇന്ന് രാജ്യതലസ്ഥാനത്ത് എത്തും. അമേരിക്കൻ താരിഫുകളുടെ പശ്ചാത്തലത്തിൽ, നികുതി കുറച്ച് സമ്പദ്‌വ്യവസ്ഥയെ പരിപോഷിപ്പിക്കണമെന്ന് പ്രധാനമന്ത്രിയോട് ആവശ്യപ്പെടുമെന്നും ഫോർഡ് പറഞ്ഞു.
