ഒൻ്റാരിയോ കവാർത്ത ലേക്സിൽ കാട്ടുതീ അനിയന്ത്രിതമായി പടരുന്നു. ബേൺഡ് റിവർ മേഖലയിൽ വെള്ളിയാഴ്ച ആരംഭിച്ച തീ 27 ഹെക്ടറിലധികം സ്ഥലത്തേക്ക് വ്യാപിച്ചതായി അധികൃതർ അറിയിച്ചു. തീ നിയന്ത്രിക്കാൻ വ്യോമ, കര മാർഗ്ഗങ്ങളിലൂടെയുള്ള ശ്രമങ്ങൾ തുടരുകയാണ്. തീ അണയ്ക്കുന്നതിനുള്ള പ്രവർത്തനങ്ങൾ ദുഷ്കരമാണെന്നും അധികൃതർ പറയുന്നു. കവാർത്ത ലേക്സിൽ തീ കത്തിക്കുന്നത് നിരോധിച്ചിട്ടുണ്ട്. കൗണ്ടി റോഡ് 49 അടച്ചിട്ടു. ഒരാഴ്ചയ്ക്കിടെ ഇത് മൂന്നാമത്തെ വലിയ തീപിടിത്തമാണ്.
നിലവിൽ പ്രദേശത്ത് ഒഴിപ്പിക്കൽ ഉത്തരവുകളൊന്നും നൽകിയിട്ടില്ല. എന്നാൽ സ്ഥിതിഗതികൾ സൂക്ഷ്മമായി നിരീക്ഷിച്ചുവരികയാണെന്നും ആവശ്യമെങ്കിൽ മുന്നറിയിപ്പ് നൽകുമെന്നും അധികൃതർ അറിയിച്ചു.
