ലോകത്ത് ഏറ്റവും കൂടുതല് ആരാധകരുള്ള ടിക് ടോക് താരം ഖാബി ലെയ്മിനെ അമേരിക്കന് അറസ്റ്റുചെയ്ത് വിട്ടയച്ചു. വീസാ കാലാവധി കഴിഞ്ഞിട്ടും അമേരിക്കയില് തുടര്ന്നതിനാലാണ് നടപടി.
വെള്ളിയാഴ്ച ലാസ് വേഗസിലെ ഹാരി റെയ്ഡ് വിമാനത്താവളത്തിലാണ് ഇമിഗ്രേഷന് ആന്ഡ് കസ്റ്റംസ് എന്ഫോഴ്സ്മെന്റ് (ഐസിഇ) അദ്ദേഹത്തെ കസ്റ്റഡിയിലെടുത്തത്. പിന്നാലെ, സ്വയം രാജ്യംവിടാന് അനുവദിച്ചെന്ന് ഐസിഇ അറിയിച്ചു. സംഭവത്തില് ഖാബി പ്രതികരിച്ചിട്ടില്ല.
സെനഗലില് ജനിച്ച ഖാബി, ഇറ്റാലിയന് പൗരനാണ്. ഏപ്രില് 30-നാണ് ഖാബി യുഎസിലെത്തിയത്. 16.3 കോടി ഫോളോവേഴ്സാണ് ഇരുപത്തിയഞ്ചുകാരനായ ഖാബിക്ക് ടിക്ടോക്കില് മാത്രമുള്ളത്. ജനുവരിയില് യൂണിസെഫ് ഇദ്ദേഹത്തെ ഗുഡ്വില് അംബാസഡറാക്കിയിരുന്നു. കഴിഞ്ഞമാസം ന്യൂയോര്ക്കില് നടന്ന മെറ്റ് ഗാല ഫാഷന്ഷോയിലും പങ്കെടുത്തു.
