ഉയർന്ന ജീവിതച്ചെലവിലും പണപ്പെരുപ്പത്തിലും വലയുന്ന ജനങ്ങൾക്ക് ആശ്വാസമായി സെപ്റ്റംബറിൽ മൂന്ന് സാമ്പത്തിക ആനുകൂല്യങ്ങൾ വിതരണം ചെയ്യാൻ ഒരുങ്ങുകയാണ് കാനഡ റവന്യൂ ഏജൻസി (CRA). ഒൻ്റാരിയോ ട്രില്ലിയം ബെനഫിറ്റ്, കാനഡ ചൈൽഡ് ബെനഫിറ്റ്, ന്യൂഫിൻലൻഡ് ആൻഡ് ലാബ്രഡോർ ഡിസെബിലിറ്റി ബെനഫിറ്റ് എന്നിവയാണ് ഈ സെപ്റ്റംബറിൽ യോഗ്യരായ കനേഡിയൻ പൗരന്മാരുടെ അക്കൗണ്ടിൽ എത്തുന്നത്.

2025-ലെ ടാക്‌സ് റിട്ടേൺ വിവരങ്ങളെ അടിസ്ഥാനമാക്കിയാണ് ആനുകൂല്യ തുക നിർണ്ണയിച്ചിരിക്കുന്നത്. വിതരണ തീയതികളിൽ ആദ്യത്തേതായ ഒൻ്റാരിയോ ട്രില്ലിയം ബെനഫിറ്റ് സെപ്റ്റംബർ 10-ന് അക്കൗണ്ടുകളിലെത്തും. തുടർന്ന് കാനഡ ചൈൽഡ് ബെനഫിറ്റ് സെപ്റ്റംബർ 18-നും, ന്യൂഫിൻലൻഡ് ആൻഡ് ലാബ്രഡോർ ഡിസെബിലിറ്റി ബെനഫിറ്റ് സെപ്റ്റംബർ 25-നും വിതരണം ചെയ്യും. എന്നാൽ കാനഡ ഗ്രോസറി ബെനഫിറ്റ്, അഡ്വാൻസ്ഡ് കാനഡ വർക്കേഴ്‌സ് ബെനഫിറ്റ് തുടങ്ങിയ മറ്റ് ചില പേയ്‌മെൻ്റുകൾ സെപ്റ്റംബറിൽ ലഭിക്കില്ല. അവ യഥാക്രമം ഒക്ടോബർ 5, ഒക്ടോബർ 9 തീയതികളിലാണ് അടുത്തതായി ലഭ്യമാകുക.