കാനഡയുടെ പാസ്‌പോർട്ട് ലോകത്തിലെ ഏറ്റവും കരുത്തുറ്റ പാസ്‌പോർട്ടുകളുടെ പട്ടികയിൽ എട്ടാം സ്ഥാനത്ത്; കനേഡിയൻ പാസ്‌പോർട്ട് ഉടമകൾക്ക് 181 രാജ്യങ്ങളിലേക്ക് വിസയില്ലാതെ പ്രവേശിക്കാം

2026-ലെ ഹെൻലി പാസ്‌പോർട്ട് ഇൻഡക്സ് പ്രകാരം കാനഡയുടെ പാസ്‌പോർട്ട് ലോകത്തിലെ ഏറ്റവും കരുത്തുറ്റ പാസ്‌പോർട്ടുകളുടെ പട്ടികയിൽ എട്ടാം സ്ഥാനത്തെത്തി. ഐസ്‌ലൻഡ്, ലിത്വാനിയ എന്നീ രാജ്യങ്ങൾക്കൊപ്പമാണ് കാനഡ ഈ സ്ഥാനം പങ്കിടുന്നത്. കനേഡിയൻ പാസ്‌പോർട്ട് ഉടമകൾക്ക് ലോകമെമ്പാടുമുള്ള 181 രാജ്യങ്ങളിലേക്ക് വിസയില്ലാതെ പ്രവേശിക്കാൻ സാധിക്കും. പത്താം സ്ഥാനത്തുള്ള അമേരിക്കയെക്കാൾ മികച്ച പ്രകടനമാണ് കാനഡ കാഴ്ചവെക്കുന്നത്. പട്ടികയിൽ സിംഗപ്പൂർ ഒന്നാം സ്ഥാനത്തും ജപ്പാൻ, ദക്ഷിണ കൊറിയ എന്നിവ രണ്ടാം സ്ഥാനത്തും തുടരുന്നു. അന്താരാഷ്ട്ര വ്യോമയാന സംഘടനയിൽ (IATA) നിന്നുള്ള വിവരങ്ങൾ […]

2023-ൽ ഫെഡറൽ സർക്കാർ അവതരിപ്പിച്ച കാനഡയുടെ പുതിയ ക്ലീൻ ഫ്യുവൽ നിയമങ്ങൾ ജീവിതച്ചെലവ് വർധിപ്പിക്കുന്നുവെന്ന വിമർശനം ശക്തമാകുന്നു

കാനഡയുടെ പുതിയ ക്ലീൻ ഫ്യുവൽ നിയമങ്ങൾ ജീവിതച്ചെലവ് വർധിപ്പിക്കുന്നുവെന്ന വിമർശനം ശക്തമാകുന്നു. 2023-ൽ ഫെഡറൽ സർക്കാർ അവതരിപ്പിച്ച ഈ നിയമങ്ങൾ ഗ്യാസോലിൻ, ഡീസൽ തുടങ്ങിയ ഇന്ധനങ്ങളിൽ നിന്നുള്ള കാർബൺ പുറന്തള്ളൽ കുറയ്ക്കാനാണ് ലക്ഷ്യമിടുന്നത്. ഇന്ധന നിർമ്മാതാക്കൾ അവരുടെ ഉൽപ്പന്നങ്ങളിലെ കാർബൺ അളവ് ക്രമേണ കുറയ്ക്കണമെന്നതാണ് നിർദേശം. പരിസ്ഥിതി ലക്ഷ്യങ്ങൾ കൈവരിക്കാനും ശുദ്ധമായ ഊർജ്ജത്തെ പ്രോത്സാഹിപ്പിക്കാനുമുള്ള ശ്രമമാണിതെന്ന് അനുകൂലിക്കുന്നവർ പറയുന്നു. എന്നാൽ ഉപഭോക്താക്കൾക്ക് യാതൊരു ഇളവുകളും നൽകാത്തതിനാൽ, ഇത് “മറഞ്ഞിരിക്കുന്ന കാർബൺ നികുതി”യാണെന്ന് വിമർശകർ ആരോപിക്കുന്നു.2030-ഓടെ ഇന്ധനവില ലിറ്ററിന് […]

ന്യൂമോണിയ, ഇൻഫ്ലുവൻസ തുടങ്ങിയ ശ്വാസകോശ സംബന്ധമായ അസുഖങ്ങൾ മൂലമുള്ള മരണങ്ങൾ കാനഡയിൽ ആശങ്കാജനകമായി വർധിക്കുന്നതായി റിപ്പോർട്ട്

കാനഡയിലെ മരണനിരക്കും ആയുർദൈർഘ്യവും സംബന്ധിച്ച 2024-ലെ ഏറ്റവും പുതിയ കണക്കുകൾ സ്റ്റാറ്റിസ്റ്റിക്സ് കാനഡ പുറത്തുവിട്ടു. രാജ്യത്ത് ന്യൂമോണിയ, ഇൻഫ്ലുവൻസ തുടങ്ങിയ ശ്വാസകോശ സംബന്ധമായ അസുഖങ്ങൾ മൂലമുള്ള മരണങ്ങൾ ആശങ്കാജനകമായി വർധിക്കുന്നതായാണ് റിപ്പോർട്ട് സൂചിപ്പിക്കുന്നത്. മരണകാരണങ്ങളുടെ പട്ടികയിൽ ആറാം സ്ഥാനത്താണെങ്കിലും, ശ്വാസകോശ രോഗങ്ങൾ മൂലമുള്ള മരണങ്ങളിൽ കഴിഞ്ഞ വർഷത്തെ അപേക്ഷിച്ച് 20 ശതമാനം വർധനവ് രേഖപ്പെടുത്തിയിട്ടുണ്ട്. ഈ വിഭാഗത്തിൽ മരിച്ചവരിൽ 52 ശതമാനവും 85 വയസ്സിനു മുകളിൽ പ്രായമുള്ളവരാണെന്നത് രാജ്യത്തെ മുതിർന്ന പൗരന്മാരുടെ ആരോഗ്യ സുരക്ഷയിൽ വലിയ ചോദ്യചിഹ്നങ്ങൾ […]

ഐഎസ്ഐഎസിൻ്റെ കമാൻഡറായി പ്രവർത്തിച്ചു, സംഘടനയ്ക്കായി റിക്രൂട്ട്‌മെൻ്റ് നടത്തി, കൽഗറി സ്വദേശിക്ക് 16 വർഷം തടവ് നൽകണമെന്ന് പ്രോസിക്യൂഷൻ

ഭീകരവാദ പ്രവർത്തനങ്ങളിൽ ഏർപ്പെട്ട കുറ്റത്തിന് കൽഗറി സ്വദേശിയായ ജമാൽ താൻ ബോർഹോട്ടിന് 16 വർഷത്തെ തടവുശിക്ഷ നൽകണമെന്ന് പ്രോസിക്യൂട്ടർമാർ കോടതിയിൽ ആവശ്യപ്പെട്ടു. 2013-ൽ സിറിയയിലേക്ക് പോയ ബോർഹോട്ട്, ഏതാണ്ട് ഒരു വർഷത്തോളം ഐഎസ്ഐഎസിനു (ISIS) വേണ്ടി സജീവമായി പോരാട്ടങ്ങളിൽ പങ്കെടുത്തതായാണ് കണ്ടെത്തൽ. ഐഎസ്ഐഎസിൻ്റെ കമാൻഡറായി പ്രവർത്തിക്കുകയും, സംഘടനയ്ക്കായി റിക്രൂട്ട്‌മെൻ്റ് നടത്തുകയും, പ്രചരണ വീഡിയോകൾ നിർമ്മിക്കുകയും ചെയ്തതുൾപ്പെടെയുള്ള ഗുരുതരമായ കുറ്റങ്ങളാണ് ഇയാൾക്കെതിരെ ചുമത്തിയിരിക്കുന്നത്. കേസിൽ ജമാൽ ബോർഹോട്ട് കുറ്റക്കാരനാണെന്ന് കഴിഞ്ഞ മാസം ജസ്റ്റിസ് കൊറീന ഡാരിയോ കണ്ടെത്തിയിരുന്നു. എന്നാൽ […]

കാനഡയിൽ പണപ്പെരുപ്പം 2.4 ശതമാനമായി ഉയർന്നു: സ്റ്റാറ്റിസ്റ്റിക്സ് കാനഡ

കാനഡയിലെ പണപ്പെരുപ്പ നിരക്ക്‌ 2.4 ശതമാനമായി ഉയർന്നതായി സ്റ്റാറ്റിസ്റ്റിക്സ് കാനഡ റിപ്പോർട്ട് ചെയ്തു. നവംബറിൽ പണപ്പെരുപ്പ നിരക്ക് 2.2 ശതമാനമായിരുന്നു. 2024 ഡിസംബറിൽ ഫെഡറൽ സർക്കാർ ചില ഉൽപ്പന്നങ്ങൾക്ക് ജി.എസ്.ടി ഒഴിവാക്കിയിരുന്നു. എന്നാൽ ഈ വർഷം ആ ഇളവുകൾ ഇല്ലാത്തതിനാൽ മുൻവർഷങ്ങളെ അപേക്ഷിച്ച് വില വർധനയുണ്ടായി. ഹോട്ടൽ ഭക്ഷണത്തിന്റെ വിലയിൽ 8.5 ശതമാനം വർധനയുണ്ടായപ്പോൾ ഗ്രോസറി ഉൽപ്പന്നങ്ങളുടെ വില 5 ശതമാനത്തോളം ഉയർന്നു. ഡിസംബറിൽ കാപ്പിയുടെ വില 30 ശതമാനത്തിലധികം ഉയർന്നപ്പോൾ പുതിയതോ ശീതീകരിച്ചതോ ആയ ബീഫിന്റെ […]

കാനഡയിൽ ഖത്തറിൻ്റെ വൻ നിക്ഷേപം; ഇരുരാജ്യങ്ങളും തമ്മിലുള്ള ബന്ധത്തിൽ പുതിയൊരു അധ്യായം, ഉടമ്പടികളിൽ ഒപ്പുവെച്ച് മാർക്ക് കാർണി

കാനഡയിലെ പ്രധാന നിർമ്മാണ പദ്ധതികളിൽ ഖത്തർ വൻതോതിൽ നിക്ഷേപം നടത്തുമെന്ന് പ്രധാനമന്ത്രി മാർക്ക് കാർണി പ്രഖ്യാപിച്ചു. ഖത്തർ അമീർ ഷെയ്ഖ് തമീം ബിൻ ഹമദ് അൽ താനിയുമായി ദോഹയിൽ നടത്തിയ കൂടിക്കാഴ്ചയ്ക്ക് ശേഷമാണ് അദ്ദേഹം ഇക്കാര്യം അറിയിച്ചത്. ഇരുരാജ്യങ്ങളും തമ്മിലുള്ള ബന്ധത്തിൽ പുതിയൊരു അധ്യായമാണിതെന്നും അദ്ദേഹം വിശേഷിപ്പിച്ചു. വർഷങ്ങളായി മുടങ്ങിക്കിടന്നിരുന്ന നിക്ഷേപ പ്രോത്സാഹന സംരക്ഷണ കരാറിന് ഇതോടെ അന്തിമരൂപമാകും. ഐടി, ആർട്ടിഫിഷ്യൽ ഇൻ്റലിജൻസ് (AI), ഊർജ്ജം, പ്രതിരോധം എന്നീ മേഖലകളിൽ സഹകരണം വർധിപ്പിക്കാനും പുതിയ തൊഴിലവസരങ്ങൾ സൃഷ്ടിക്കാനും […]

ഡ്യൂട്ടിക്കിടെ മദ്യപിച്ച് വാഹനമോടിച്ചതിന് ഒൻ്റാരിയോ പ്രൊവിൻഷ്യൽ പോലീസിലെ ഉദ്യോഗസ്ഥനെ പിടികൂടി

ഡ്യൂട്ടിക്കിടെ മദ്യപിച്ച് വാഹനമോടിച്ചതിന് ഒൻ്റാരിയോ പ്രൊവിൻഷ്യൽ പോലീസിലെ ഉദ്യോഗസ്ഥനെ പിടികൂടി. സതേൺ ജോർജിയൻ ബേ ഡിറ്റാച്ച്‌മെൻ്റിലെ ഉദ്യോഗസ്ഥനാണ് ഇയാൾ. 39 വയസ്സുകാരനായ ക്രിസ്റ്റഫർ പ്രൗട്ട് ആണ് പിടിയിലായ ഉദ്യോഗസ്ഥൻ. കഴിഞ്ഞ 17 വർഷമായി ഒൻ്റാരിയോ പ്രൊവിൻഷ്യൽ പോലീസിൽ സേവനമനുഷ്ഠിക്കുന്നയാളാണ് ഇദ്ദേഹം. മദ്യപിച്ച് വാഹനമോടിച്ചതിനാണ് ഇയാൾക്കെതിരെ കേസെടുത്ത് അറസ്റ്റ് രേഖപ്പെടുത്തിയത്.രക്തത്തിലെ മദ്യത്തിൻ്റെ അളവ് അനുവദനീയമായ പരിധിയിലും കൂടുതലായിരുന്നു എന്നതിനും ഇയാൾക്കെതിരെ കേസുണ്ട്. സംഭവം നടക്കുമ്പോൾ ഇയാൾ ഡ്യൂട്ടിയിലായിരുന്നുവെന്ന് പോലീസ് സ്ഥിരീകരിച്ചു. 2026 ഫെബ്രുവരി 26-ന് ഇയാൾ മിഡ്‌ലാൻഡ് കോടതിയിൽ […]

സൂപ്പർ വീസയിലേക്ക് ചുവടുമാറ്റാം; പുതിയ PGP അപേക്ഷകൾ സ്വീകരിക്കില്ലെന്ന് ഐആർസിസി

പേരന്‍റസ് ആൻഡ് ഗ്രാൻഡ് പേരന്‍റസ് പ്രോഗ്രാമിൽ (PGP) പുതിയ അപേക്ഷകൾ സ്വീകരിക്കില്ലെന്ന് വ്യക്തമാക്കി ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC).‌ പുതിയ സ്പോൺസർഷിപ്പ് അപേക്ഷകൾക്കും പെർമനന്റ് റെസിഡൻസി അപേക്ഷകൾക്കും ഇത് ബാധകമാകും. ജനുവരി 1 മുതൽ പ്രാബല്യത്തിൽ വന്ന പുതിയ മിനിസ്റ്റീരിയൽ ഇൻസ്ട്രക്ഷൻസ് (MI89) പ്രകാരമാണ് തീരുമാനം. 2025-ൽ സമർപ്പിച്ച അപേക്ഷകളിൽ നിന്ന് പരമാവധി 10,000 കംപ്ലീറ്റ് അപേക്ഷകൾ മാത്രമേ ഈ വർഷം പ്രോസസ് ചെയ്യുകയുള്ളൂ. നിലവിലുള്ള ബാക്ക്‌ലോഗ് ക്ലിയർ ചെയ്യുന്നതിനായാണ് ഈ നടപടി. പുതിയ […]

ആൽബർട്ട വിദ്യാഭ്യാസ മന്ത്രിക്കെതിരായ ‘റീകോൾ’ നീക്കം പരാജയത്തിലേക്ക്

ആൽബർട്ട വിദ്യാഭ്യാസ മന്ത്രിക്കെതിരായ ‘റീകോൾ’ നീക്കം പരാജയത്തിലേക്കെന്ന് റിപ്പോർട്ട്. ഡെമെട്രിയോസ് നിക്കോളൈഡിസിനെ പദവിയിൽ നിന്ന് തിരിച്ചുവിളിക്കണമെന്ന് ആവശ്യപ്പെട്ട് നടന്ന ഒപ്പുശേഖരണം ലക്ഷ്യം കാണാതായതോടെയാണ് ‘റീകോൾ’ പ്രതിസന്ധിയിലായത്. മന്ത്രിയെ മാറ്റാൻ ആവശ്യമായ 16,006 ഒപ്പുകളിൽ ഏകദേശം 8,000 എണ്ണം മാത്രമേ ഇതുവരെ ശേഖരിക്കാൻ കഴിഞ്ഞിട്ടുള്ളൂ എന്ന് സംഘാടകയായ ജെനി യെറെമി അറിയിച്ചു. വോട്ടർമാരുടെ 60 ശതമാനം ഒപ്പുകൾ വേണമെന്ന കർശന വ്യവസ്ഥയാണ് ഈ നീക്കം പരാജയപ്പെടാൻ പ്രധാന കാരണം. ഒപ്പുകളുടെ എണ്ണം കുറവാണെങ്കിലും ജനങ്ങളുടെ പ്രതിഷേധം അറിയിക്കാൻ കഴിഞ്ഞത് […]

ഗ്രീൻലൻഡിലേക്ക് കനേഡിയൻ സൈന്യം: നാറ്റോ സൈനികാഭ്യാസത്തിൽ പങ്കെടുക്കും

ഗ്രീൻലൻഡിൽ നടക്കുന്ന നാറ്റോ സൈനികാഭ്യാസത്തിൽ പങ്കെടുക്കാൻ സൈന്യത്തെ അയക്കുമെന്ന് കാനഡ. പ്രധാനമന്ത്രി മാർക്ക് കാർണിയുടെ നേതൃത്വത്തിലുള്ള ലിബറൽ സർക്കാർ ഇതിനായുള്ള പദ്ധതികൾ പരിശോധിച്ച് വരികയാണെന്ന് ഔദ്യോഗിക വൃത്തങ്ങൾ സൂചിപ്പിച്ചു. രാജ്യങ്ങളുടെ പരമാധികാരത്തെയും പ്രാദേശിക അഖണ്ഡതയെയും കാനഡ എപ്പോഴും പിന്തുണയ്ക്കുമെന്ന് പ്രധാനമന്ത്രി മാർക്ക് കാർണി വ്യക്തമാക്കി. ജർമ്മനി, ഫ്രാൻസ്, സ്വീഡൻ തുടങ്ങിയ യൂറോപ്യൻ രാജ്യങ്ങൾ ഇതിനോടകം തന്നെ ഗ്രീൻലൻഡിലേക്ക് സൈനിക ഉദ്യോഗസ്ഥരെ അയച്ചിട്ടുണ്ട്. സഖ്യകക്ഷികളുമായുള്ള ഐക്യം പ്രകടിപ്പിക്കാനാണ് കാനഡയുടെ ശ്രമം. വരാനിരിക്കുന്ന വലിയ സൈനികാഭ്യാസങ്ങൾക്കുള്ള മുന്നൊരുക്കമായാണ് ഇപ്പോൾ സൈന്യത്തെ […]