മാർച്ച് ആറിന് നടന്ന ഫ്രഞ്ച് കാറ്റഗറി എക്സ്പ്രസ് എൻട്രി നറുക്കെടുപ്പിൽ സ്ഥിരതാമസത്തിനായി 4,500 അപേക്ഷകരെ ക്ഷണിച്ചതായി ഇമിഗ്രേഷൻ, റെഫ്യൂജീസ്, സിറ്റിസൺഷിപ്പ് കാനഡ (IRCC) അറിയിച്ചു. ഈ കാറ്റഗറി ബേസ് നറുക്കെടുപ്പിൽ പരിഗണിച്ച അപേക്ഷകരുടെ സമഗ്ര റാങ്കിംഗ് സിസ്റ്റം (CRS) കട്ട്ഓഫ് സ്കോർ 410 ആയിരുന്നു.
ഇതോടെ ഈ ആഴ്ചയിലെ രണ്ട് പുതിയ എക്സ്പ്രസ് എൻട്രി നറുക്കെടുപ്പുകളിലൂടെ പെർമനൻ്റ് റെസിഡൻസിക്ക് (പിആർ) അപേക്ഷിക്കാൻ (ഐടിഎ) 5,225 ഉദ്യോഗാർത്ഥികളെയാണ് ക്ഷണിച്ചത്. ഇതിന് മുമ്പ്, 2025 മാർച്ച് 3-ന് നടന്ന പ്രൊവിൻഷ്യൽ നോമിനി പ്രോഗ്രാം (PNP) നറുക്കെടുപ്പിൽ 667 എന്ന സമഗ്ര റാങ്കിംഗ് സിസ്റ്റം (CRS) കട്ട്ഓഫ് സ്കോർ ഉള്ള 725 അപേക്ഷകരെ IRCC ക്ഷണിച്ചിരുന്നു.
