ഷൊർണൂരിൽ വന്ദേഭാരത് ട്രെയിൻ സാങ്കേതിക പ്രശ്നം കാരണം കുടുങ്ങിയത് സെൻസറിലെ തകരാർ കാരണമാകാമെന്ന് വിദഗ്ധർ. സെൻസറിൽ തകരാർ കാണിച്ചാൽ ട്രെയിനിന്റെ ബ്രേക്ക് സിസ്റ്റം ഓട്ടമാറ്റിക് ആയി ലോക്ക് ആകുമെന്നും പിന്നീട് ട്രെയിൻ മുന്നോട്ട് എടുക്കാൻ സാധിക്കില്ലെന്നും ട്രെയിൻ നിർമിച്ച ചെന്നൈ ഇന്റഗ്രൽ കോച്ച് ഫാക്ടറിയിലെ (ഐസിഎഫ്) ഡിസൈനിങ് വിദഗ്ധർ പറഞ്ഞു. ഇതും പരിഹരിക്കാനാകാതെ വന്നതോടെയാണ് മറ്റൊരു ഇലക്ട്രിക് എൻജിൻ കൊണ്ടുവന്ന് വന്ദേഭാരത് ട്രെയിനുമായി ബന്ധിപ്പിച്ച് യാത്ര തുടരേണ്ടി വന്നതെന്നാണ് വിദഗ്ധാഭിപ്രായം.
