വൈറ്റ് ഹോഴ്സ് : ടെറിട്ടോറിയല് ലിബറല് പാര്ട്ടി ലീഡര് സ്ഥാനം രാജിവെച്ച് യൂകോണ് പ്രീമിയര് രഞ്ജ് പിള്ള. വീണ്ടും തിരഞ്ഞെടുപ്പില് മത്സരിക്കില്ലെന്നും മലയാളി കുടുബ വേരുള്ള രഞ്ജ് പിള്ള അറിയിച്ചു. പുതിയ നേതാവിനെ തിരഞ്ഞെടുക്കുന്നതിനുള്ള നടപടികള് ഉടന് ആരംഭിക്കാന് പാര്ട്ടിയോട് ആവശ്യപ്പെട്ടിട്ടുണ്ടെന്ന് അദ്ദേഹം പറഞ്ഞു.
യൂകോണ് നിയമസഭയില് രണ്ട് തവണ അംഗമായ രഞ്ജ് പിള്ള 2023 ജനുവരിയില് പ്രീമിയറായി സ്ഥാനമേറ്റു. എന്ഡിപിയുടെ സഹായത്തോടെയാണ് ലിബറല് ന്യൂനപക്ഷ സര്ക്കാര് ഭരിക്കുന്നത്. അടുത്ത ടെറിട്ടോറിയല് തിരഞ്ഞെടുപ്പ് നവംബര് 3-നോ അതിനുമുമ്പോ നടക്കുമെന്ന് പ്രതീക്ഷിക്കുന്നു.
