റെഡ്‌വാട്ടർ പ്രൊവിൻഷ്യൽ റിക്രിയേഷൻ മേഖലയിൽ കാട്ടുതീ അനിയന്ത്രിതമായി പടർന്നു പിടിച്ചതോടെ സ്റ്റർജൻ കൗണ്ടിയിൽ പ്രാദേശിക അടിയന്തരാവസ്ഥ പ്രഖ്യാപിച്ച്‌ ആൽബർട്ട സർക്കാർ.
RR205 മുതൽ വിക്ടോറിയ ട്രെയിൽ വരെയും ടൗൺഷിപ്പ് 574 മുതൽ RR205 വരെയും ടൗൺഷിപ്പ് 574 മുതൽ RR203 വരെയുമാണ് അടിയന്തരാവസ്ഥ നിലവിലുള്ളത്. ശനിയാഴ്ച രാത്രി ഒമ്പത് മണിയോടെ റേഞ്ച് റോഡ് 212 നും 203 നും ഇടയിലുള്ള നദിയുടെ വടക്ക് ഭാഗത്താണ് ആദ്യം തീ പിടിച്ചത്. പിന്നീട് അതിവേഗം പടരുകയായിരുന്നുവെന്ന് അധികൃതർ പറയുന്നു. ഞായറാഴ്ച പുലർച്ചെ വരെ 110 ഹെക്ടർ സ്ഥലത്ത് തീ പടർന്നതായി കണക്കാക്കപ്പെടുന്നു. കാട്ടുതീ അനിയന്ത്രിതമായതോടെ താമസക്കാരെ ഒഴിപ്പിക്കുകയാണെന്നും തീപിടിത്തത്തിൽ ഒരു വീട് കത്തി നശിച്ചതായും ആർസിഎംപി പറഞ്ഞു.
