ജെയിംസ് സ്മിത്ത് ക്രീ നേഷനില്‍ അതിവേഗം പടര്‍ന്നു പിടിച്ച കാട്ടുതീയില്‍ നാല് വീടുകള്‍ കത്തിനശിച്ചതായി റിപ്പോര്‍ട്ട്. അനിയന്ത്രിതമായ കാട്ടുതീയെ തുടര്‍ന്ന് നിരവധി പേരെ ഒഴിപ്പിച്ചതായും സസ്‌കാച്വാന്‍ പബ്ലിക് സേഫ്റ്റി ഏജന്‍സി (SPSA) അറിയിച്ചു. തീ ഏകദേശം 100 ഹെക്ടര്‍ വിസ്തൃതിയില്‍ പടര്‍ന്നു പിടിച്ചിട്ടുണ്ട്. ദുരിതബാധിതരായ താമസക്കാരെ ബെനാര്‍ഡ് കോണ്‍സ്റ്റന്റ് കമ്മ്യൂണിറ്റി സ്‌കൂളിലേക്ക് (BCCS) മാറ്റി.
SPSA-യുടെ വാട്ടര്‍ ബോംബറുകള്‍ക്ക് പുറമേ, മെല്‍ഫോര്‍ട്ട്, കിനിസ്റ്റിനോ, ഗാര്‍ഡന്‍ റിവര്‍, മസ്‌കോഡേ ഫസ്റ്റ് നേഷന്‍ എന്നിവയുള്‍പ്പെടെ ഒന്നിലധികം അഗ്‌നിശമന വകുപ്പുകളില്‍ നിന്നുള്ള സംഘങ്ങള്‍ പ്രദേശത്ത് കാട്ടുതീ നിയന്ത്രണവിധേയമാക്കാന്‍ പരിശ്രമിക്കുന്നുണ്ട്.
