വാൻകുവർ: വാൻകുവർ റിയൽ എസ്റ്റേറ്റ് മേഖലയിൽ വീടുകളുടെ വിലയിൽ നേരിയ കുറവുണ്ടായെങ്കിലും ഇപ്പോഴും വീടുകൾ വാങ്ങുന്നത് ചെലവേറിയതാണെന്ന് സെഞ്ച്വറി 21 പുറത്തിറക്കിയ റിപ്പോർട്ടിൽ പറയുന്നു. കാനഡയിലുടനീളമുള്ള 50 കമ്മ്യൂണിറ്റികളെ പരിശോധിച്ചാണ് സെഞ്ച്വറി 21 റിപ്പോർട്ട് പുറത്തിറക്കിയിരിക്കുന്നത്. റിപ്പോർട്ടിൽ വാൻകുവറിൽ വീടുകളുടെ വിലയിൽ നേരിയ കുറവ് രേഖപ്പെടുത്തിയിട്ടുണ്ടെങ്കിലും വാൻകുവർ ഒന്നാം സ്ഥാനത്ത് തുടരുകയാണ്.
വാൻകുവർ വെസ്റ്റ് എൻഡിലെ ഒരു ഡിറ്റാച്ച്ഡ് വീടിന് ചതുരശ്ര അടിക്ക് 1,110 ഡോളറായി കണക്കാക്കുന്നു. റിപ്പോർട്ട് അനുസരിച്ച് ഡൗൺടൗൺ ഏരിയയിലെ ശരാശരി കോണ്ടോയ്ക്ക് ചതുരശ്ര അടിക്ക് 1,206 ഡോളർ വില വരും. മുൻ വർഷത്തെ അപേക്ഷിച്ച് കോണ്ടോസ് ഡൗൺടൗണിൽ 4.59 ശതമാനം കുറവുണ്ടായി. വെസ്റ്റ് എൻഡിലെ വീടുകളിൽ 4.39 ശതമാനമാണ് കുറവുണ്ടായത്. വാൻകുവർ, കെലോന തുടങ്ങിയപ്രധാന നഗരങ്ങളിൽ നിന്നും മാറുമ്പോൾ ചതുരശ്ര അടിക്ക് വില ഗണ്യമായി കുറയുന്നുണ്ട്. ബേണബി പോലുള്ള നഗരങ്ങളിൽ വില 12 ശതമാനത്തിലധികം കുറഞ്ഞതായി റിപ്പോർട്ടിൽ പറയുന്നു.
