വാഷിങ്ടൺ: നൂറിലധികം ഇന്റലിജൻസ് ഉദ്യോഗസ്ഥരെ പിരിച്ചുവിടാനൊരുങ്ങി അമേരിക്കയുടെ രഹസ്യാനേഷണ മേധാവി തുളസി ഗബ്ബാർഡ്. നാഷണൽ സെക്യൂരിറ്റി ഏജൻസിയുടെ (എൻഎസ്എ) ‘ഇന്റർലിങ്ക്’ മെസേജിങ് പ്ലാറ്റ്ഫോമിൽ ലൈംഗിക ചുവയുള്ള സന്ദേശങ്ങൾ കൈമാറിയ ഉദ്യോഗസ്ഥർക്കെതിരെയാണ് നടപടി.
പ്രൊഫഷണലായി കൈകാര്യം ചെയ്യേണ്ട ഒരു പ്ലാറ്റ്‌ഫോമാണ് ഇത്തരത്തിൽ ഉപയോഗിച്ചിരിക്കുന്നത്. അത് ഒരിക്കലും അംഗീകരിക്കാനാകുന്നതല്ല. ഇത് വിശ്വാസ ലംഘനമാണ്, ഫോക്‌സ് ന്യൂസിന് നൽകിയ അഭിമുഖത്തിൽ ഗബ്ബാർഡ് പറഞ്ഞു. ലൈംഗിക സംഭാഷണത്തിൽ പങ്കെടുത്ത് ജീവനക്കാരെ കണ്ടെത്തി പിരിച്ചുവിടാനും അവരുടെ സുരക്ഷാ അനുമതികൾ റദ്ദാക്കാനും വിവിധ ഇന്റലിജൻസ് ഏജൻസികൾക്ക് നിർദ്ദേശം നൽകിയിട്ടുണ്ടെന്നും ഗബ്ബാർഡ് പറഞ്ഞു.
എൻഎസ്‌ഐ പ്ലാറ്റ്‌ഫോം ദുരുപയോഗം ചെയ്ത ഉദ്യോഗസ്ഥരെ കണ്ടെത്താനും പരിച്ചുവിടാനുമുളള മെമ്മോ എല്ലാ രഹസ്യാന്വേഷണ ഏജൻസിക്കൾക്കും അയച്ചതായി ഡിഎൻഐ വക്താവ് അലക്‌സ ഹെന്നിംഗ് പറഞ്ഞു. വെളളിയാഴചയോടെ ഇവരെ കണ്ടെത്താനാണ് നിർദേശം.
