ന്യൂയോര്‍ക്ക് മുതല്‍ ലൊസാഞ്ചലസ് വരെയുള്ള പ്രമുഖ നഗരങ്ങളില്‍ യുഎസ് പ്രസിഡന്റ് ഡോണള്‍ഡ് ട്രംപിനെതിരെ ആയിരക്കണക്കിന് ജനങ്ങളണിനിരക്കുന്ന പ്രതിഷേധ മാര്‍ച്ച്. യുഎസ് സേനയുടെ 250-ാം വാര്‍ഷികാഘോഷത്തിന്റെ ഭാഗമായുള്ള പരേഡ് നടക്കുന്ന വേളയിലാണ് പ്രതിഷേധം. ജനുവരിയില്‍ അമേരിക്കന്‍ പ്രസിഡന്റായി ഡോണള്‍ഡ് ട്രംപ് രണ്ടാമതും ഭരണത്തിലേറിയതിന് ശേഷമുള്ള ഏറ്റവും വലിയ പ്രതിഷേധത്തിനാണ് രാജ്യം സാക്ഷ്യം വഹിക്കുന്നത്. യുഎസില്‍ അനധികൃത കുടിയേറ്റക്കാരെ കണ്ടെത്താനുള്ള നടപടികള്‍ക്കെതിരെ ദിവസങ്ങള്‍ക്ക് മുന്‍പ് ലൊസാഞ്ചലസില്‍ ആരംഭിച്ച പ്രക്ഷോഭമാണ് രാജ്യവ്യാപക പ്രതിഷേധ മാര്‍ച്ചിന് വഴിമാറിയത്.
അനധികൃത കുടിയേറ്റക്കാരെ കണ്ടെത്താനുള്ള നടപടികള്‍ക്കെതിരെ പ്രക്ഷോഭം തുടരുന്ന ലൊസാഞ്ചലസില്‍ 4000 നാഷനല്‍ ഗാര്‍ഡുകളെയും 700 മറീനുകളെയും ട്രംപ് വിന്യസിച്ചിരുന്നു.
