വാഷിംഗ്ടണ് ഡിസി : വീണ്ടുമൊരു വ്യാപാരയുദ്ധത്തിലേക്ക് നയിച്ചേക്കുമെന്ന ആശങ്ക ഉയര്ത്തി ചൈനയ്ക്കെതിരായ അധിക താരിഫ് ഭീഷണിയുമായി യുഎസ് പ്രസിഡന്റ് ഡോണള്ഡ് ട്രംപ്. കഴിഞ്ഞയാഴ്ച പ്രഖ്യാപിച്ച യുഎസ് താരിഫുകള്ക്ക് തിരിച്ചടി നല്കുമെന്ന് ചൈന പറഞ്ഞതിന് പിന്നാലെയാണ് ട്രംപിന്റെ പുതിയ ഭീഷണി.
ഏപ്രില് 8-നകം ചൈന പ്രഖ്യാപിച്ച യുഎസ് ഉല്പ്പന്നങ്ങള്ക്കുള്ള 34% തീരുവ പിന്വലിച്ചില്ലെങ്കില് ഏപ്രില് 9 മുതല് ചൈനയ്ക്ക് 50% അധിക താരിഫുകള് അമേരിക്ക ചുമത്തും, ഡോണള്ഡ് ട്രംപ് ട്രൂത്ത് സോഷ്യല് മീഡിയയിലൂടെ അറിയിച്ചു. കൂടാതെ യുഎസുമായി ചൈനീസ് സര്ക്കാര് അഭ്യര്ത്ഥിച്ച കൂടിക്കാഴ്ച അടക്കം എല്ലാ ചര്ച്ചകളും നിര്ത്തിവെക്കുമെന്നും അദ്ദേഹം പറഞ്ഞു. സ്റ്റോക്ക് മാര്ക്കറ്റ് ഇടിവ് തുടരുകയും മാന്ദ്യത്തെക്കുറിച്ചുള്ള ഭയം വര്ധിക്കുകയും ചെയ്യുന്നതിനിടെയാണ് ട്രംപിന്റെ പ്രഖ്യാപനം.
