ടൊറന്റോ: മിസ്സിസാഗയിൽ വാഹനമോഷണവുമായി ബന്ധപ്പെട്ട് യുവാവിനെ അറസ്റ്റ് ചെയ്ത് ടൊറന്റോ പൊലീസ്. ജനുവരി 4 ന്, മിസ്സിസാഗയിലെ ലോൺ പാർക്ക് റോഡിനും ലേക്ഷോർ റോഡ് വെസ്റ്റിനും സമീപമുള്ള ഡ്രൈവ്വേയിൽ ആഡംബര കാർ പാർക്ക് ചെയ്യുന്നതിനിടെ ഉടമയെ ആയുധം കാണിച്ച് ഭീഷണിപ്പെടുത്തി മോഷ്ടിക്കാൻ ശ്രമിക്കുകയായിരുന്നെന്ന് പൊലീസ് പറഞ്ഞു. വിൻസർ സ്വദേശി 34 കാരനായ ബദർ ഫലാഹ് അബ്ദുള്ളയെയാണ് അറസ്റ്റ് ചെയ്തത്.
കാർ മോഷ്ടിക്കാൻ ശ്രമിക്കുന്നതിനിടെ നാല് പ്രതികൾ അദ്ദേഹത്തെ വെടിവെച്ചതായി പൊലീസ് പറയുന്നു. എന്നാൽ പ്രതികൾക്ക് കാർ മോഷ്ടിക്കാൻ കഴിഞ്ഞില്ലെന്നും അവർ മറ്റൊരു വാഹനത്തിൽ കടന്നു കളഞ്ഞതായും അന്വേഷണ ഉദ്യോഗസ്ഥർ വ്യക്തമാക്കി. അതേസമയം മറ്റ് പ്രതികൾക്കായുള്ള അന്വേഷണം തുടരുന്നു.
