അധ്യാപക സമരം നാലാം ദിവസത്തിലേക്ക് കടക്കവേ സർക്കാരുമായി വീണ്ടും ചർച്ച പുനഃരാരംഭിക്കുന്നതായി ആൽബർട്ട ടീച്ചേഴ്സ് അസോസിയേഷൻ (ATA) പ്രഖ്യാപിച്ചു. ഒക്ടോബർ 14 ചൊവ്വാഴ്ച കരാർ ചർച്ചകളിലേക്ക് മടങ്ങുമെന്ന് ATA അറിയിച്ചു. എന്നാൽ, കൂടുതൽ വിവരങ്ങൾ നൽകാൻ കഴിയില്ലെന്ന് ATA വക്താവ് അറിയിച്ചു.
വേതനം, ക്ലാസ് മുറികളിലെ സാഹചര്യങ്ങള്, കുട്ടികളുടെ എണ്ണത്തിലെ വര്ധന, അധ്യാപകരുടെ കുറവ് തുടങ്ങിയവ ചൂണ്ടിക്കാട്ടിയാണ് പണിമുടക്ക്. സമരം രണ്ടായിരത്തി അഞ്ഞൂറിലധികം സ്കൂളുകളിലെ 7.4 ലക്ഷത്തിലധികം വിദ്യാർത്ഥികളെയാണ് ബാധിക്കുന്നത്. നാല് വർഷത്തിനുള്ളിൽ 12% വേതന വർധനയും, തിരക്ക് കുറയ്ക്കുന്നതിനായി 3,000 പുതിയ അധ്യാപകരെ നിയമിക്കാമെന്നുമുള്ള പ്രവിശ്യാ സർക്കാരിൻ്റെ അവസാന വാഗ്ദാനം അധ്യാപകർ തള്ളിയിരുന്നു.
