വാഷിങ്ടൻ: മിസിസിപ്പിയിലെ ക്ലേ കൗണ്ടിയിൽ വെടിവയ്പ്പിൽ ആറുപേർ കൊല്ലപ്പെട്ടു. അലബാമ അതിർത്തിക്കടുത്തുള്ള വെസ്റ്റ് പോയിൻ്റ് പട്ടണത്തിലാണ് വെടിവയ്പ്പ് നടന്നത്. ഇവിടെ മൂന്ന് സ്ഥലങ്ങളിൽ വെടിവയ്പ്പ് നടന്നെന്ന് അധികൃതർ അറിയിച്ചു. പ്രതിയെന്ന് സംശയിക്കുന്ന ഒരാളെ കസ്റ്റഡിയിലെടുത്തു. വടക്കുകിഴക്കൻ മിസിസിപ്പിയിൽ സ്ഥിതി ചെയ്യുന്ന ക്ലേ കൗണ്ടിയിൽ ഏകദേശം 20,000ത്തോളം പേർ താമസിക്കുന്നുണ്ട്. സംഭവത്തെ കുറിച്ചുള്ള കൂടുതൽ വിവരങ്ങൾ പുറത്തായിട്ടില്ല.
