ഓസ്ട്രിയയിലെ ഹൈസ്കൂളിലുണ്ടായ വെടിവെപ്പില് വിദ്യാര്ത്ഥികളും അധ്യാപകരുമടക്കം 9 പേര് കൊല്ലപ്പെട്ടു. നിരവധിപേര്ക്ക് പരുക്കേറ്റതായും പൊലീസ് വ്യക്തമാക്കി. ഓസ്ട്രിയന് നഗരമായ ഗ്രാസിലാണ് വെടിവെപ്പ് ഉണ്ടായത്. സ്കൂളില് വെടിവെപ്പ് നടത്തിയ അക്രമി സ്വയം വെടിവച്ച് മരിച്ചതായും റിപ്പോര്ട്ടുകളുണ്ട്. അക്രമിയെ വധിച്ചതായും ചില അന്താരാഷ്ട്ര മാധ്യമങ്ങള് റിപ്പോര്ട്ട് ചെയ്യുന്നു. അതേസമയം, ഇതില് പൊലീസിന്റെ സ്ഥിരീകരണമുണ്ടായിട്ടില്ല.
സ്കൂളിലെ ശുചിമുറിയിലായിരുന്നു വെടിവെപ്പ് നടന്നതെന്നാണ് വിവരം. സ്കൂള് കെട്ടിടത്തിനുള്ളില് നിന്നും വെടിയൊച്ച കേട്ട സ്കൂള് അധികൃതരാണ് പ്രാദേശിക സമയം രാവിലെ 10 മണിയോടെ പൊലീസില് വിവരമറിയിച്ചത്. സംഭവത്തില് കൂടുതല് വിവരങ്ങള് ലഭ്യമല്ല. രക്ഷാപ്രവര്ത്തനം തുടരുന്നതായി പൊലീസ്അറിയിച്ചു.
