സ്ഥിരമായ തിരഞ്ഞെടുപ്പ് തീയതി എടുത്തുമാറ്റാനുള്ള നിയമനിർമാണവുമായി ഒൻ്റാരിയോ സർക്കാർ. അറ്റോർണി ജനറൽ ഡഗ് ഡൗണി ഇതിനായുള്ള ബിൽ അവതരിപ്പിച്ചു. സ്ഥിരം തീയതി ‘അമേരിക്കൻ ശൈലിയിലുള്ള’ രീതിയാണെന്ന അഭിപ്രായത്തെത്തുടർന്നായിരുന്നു നീക്കം. ഈ നിയമം വഴി, മാറുന്ന സാഹചര്യങ്ങളോടും വെല്ലുവിളികളോടും പ്രതികരിക്കാൻ പ്രവിശ്യയ്ക്ക് സാധിക്കുമെന്നും ഡൗണി പറഞ്ഞു.
പുതിയ ബിൽ പ്രാബല്യത്തിൽ വന്നാൽ, അടുത്ത വർഷം മുതൽ രാഷ്ട്രീയ പാർട്ടികൾക്ക് ഒരാൾക്ക് നൽകാൻ കഴിയുന്ന സംഭാവന പരിധി നിലവിലെ 3,400 ഡോളറിൽ നിന്ന് 5,000 ഡോളറായി ഉയർത്തും. കൂടാതെ, രാഷ്ട്രീയ പാർട്ടികൾക്ക് നൽകുന്ന ത്രൈമാസ പൊതു ഫണ്ടിങ് സ്ഥിരമാക്കാനും ഈ നിയമനിർമാണം ലക്ഷ്യമിടുന്നു.
