‘ഒബാമ’ എന്ന തന്റെ സര്നെയിം ഉപേക്ഷിച്ച്, യുഎസ് മുന് പ്രസിഡന്റ് ബറാക് ഒബാമയുടെ മകള് മാലിയ ആന്. അടുത്തിടെ മാലിയ ചെയ്ത ഒരു പരസ്യഷൂട്ടിങ്ങിന്റെ ക്രെഡിറ്റില് മാലിയ ആന് ഒബാമ എന്ന പേരിനു പകരം ‘മാലിയ ആന്’ എന്നാണ് നല്കിയത്. പിതാവിന്റെ ലേബലില് നിന്നു മാറി സ്വന്തം നിലയ്ക്കു വിജയങ്ങള് നേടാനാണ് മാലിയയുടെ ശ്രമമെന്നാണ് ഇതേത്തുടര്ന്ന് വന്ന റിപ്പോര്ട്ടുകള്. അമ്മ മിഷേല് ഒബാമയും മകളുടെ തീരുമാനത്തെക്കുറിച്ച് ഒരു അഭിമുഖത്തില് വിശദീകരിച്ചിരുന്നു.
26 വയസ്സുകാരിയായ മാലിയ ഹോളിവുഡ് കരിയര് മോഹങ്ങള് സൂക്ഷിക്കുന്നയാളാണ്. ഹാര്വഡ് സര്വകലാശാലയില് നിന്ന് വിഷ്വല് ആന്ഡ് എന്വയണ്മെന്റല് സ്റ്റഡീസില് ബിരുദം നേടിയ ഇവര്ക്ക് ഹോളിവുഡില് സംവിധായികയാകാനാണ് താല്പര്യം. 2023ല് ദ് ഹാര്ട്ട് എന്ന പേരില് ഒരു ഷോര്ട്ഫിലിമും മാലിയ ഒരുക്കിയിരുന്നു.
ബറാക്-മിഷേല് ഒബാമ ദമ്പതികളുടെ 2 പെണ്മക്കളില് ഒരാളാണ് മാലിയ. ഒബാമയുടെ രണ്ടാമത്തെ മകളായ സാഷ യൂണിവേഴ്സിറ്റി ഓഫ് സതേണ് കലിഫോര്ണിയയില്നിന്നാണു ബിരുദം നേടിയത്.
