താഴ്ന്ന വരുമാനമുള്ള കുടുംബങ്ങളിലെ യുവാക്കളെ സഹായിക്കുന്നതിനായി യുവജന തൊഴില്‍ സഹായ പദ്ധതികള്‍ക്കായി ധനസഹായം പ്രഖ്യാപിച്ച് നോവസ്‌കോഷ.

യുവജന തൊഴില്‍ സഹായ പദ്ധതിയിലൂടെ യുവാക്കള്‍ക്ക് വിദ്യാഭ്യാസമോ തൊഴില്‍ പരിശീലനമോ നേടാന്‍ കഴിയുമെന്നും , ഇതുവഴി അവരുടെ കുടുംബങ്ങള്‍ക്ക് പുതിയ സാധ്യതകള്‍ തുറക്കുന്നതായി പ്രവിശ്യാ സാമൂഹിക വികസന മന്ത്രി സ്‌കോട്ട് ആംസ്‌ട്രോങ് പറഞ്ഞു. സാമ്പത്തിക തടസ്സങ്ങള്‍ നീക്കാനും വിദ്യാഭ്യാസത്തിനായി അവസരങ്ങള്‍ സൃഷ്ടിക്കാനും ഈ നിക്ഷേപം സഹായിക്കുമെന്നും പ്രവിശ്യ പറയുന്നു.

പുതിയ ഉപകരണങ്ങള്‍, വസ്ത്രങ്ങള്‍, എന്നിവയുടെ ചെലവുകള്‍ വഹിക്കുന്നതിനായി $2,000 ബര്‍സറിയും താഴ്ന്ന വരുമാനമുള്ള കുടുംബങ്ങളിലെ യൂണിവേഴ്‌സിറ്റി വിദ്യാര്‍ത്ഥികള്‍ക്ക് $1,500 ബര്‍സറിയും പ്രവിശ്യ വാഗ്ദാനം ചെയ്യുന്നു. പുതിയ യുവജന തൊഴില്‍ സഹായ പദ്ധതി സെപ്റ്റംബറില്‍ ആരംഭിക്കുമെന്നും യോഗ്യരായ യുവാക്കള്‍ കൂടുതല്‍ വിവരങ്ങള്‍ക്കായി അവരുടെ കേസ് വര്‍ക്കറെ ബന്ധപ്പെടേണമെന്നും അധികൃതര്‍ പറയുന്നു.