മാസങ്ങളോളം ഇടക്കാല അടിസ്ഥാനത്തിൽ മെട്രോലിങ്ക്സിനെ നയിച്ച മൈക്കൽ ലിൻഡ്‌സെയെ ഫോർഡ് സർക്കാർ ഒൻ്റാരിയോ ഗതാഗത ഏജൻസിയുടെ സ്ഥിരം പ്രസിഡന്റും സിഇഒയുമായി ഔദ്യോഗികമായി നിയമിച്ചു. വ്യാഴാഴ്ച നടക്കുന്ന ഓർഗനൈസേഷന്‍റെ ബോർഡ് മീറ്റിങ്ങിൽ മെട്രോലിങ്ക്സിന്‍റെ സ്ഥിരം തലവനായി ലിൻഡ്സെ അരങ്ങേറ്റം കുറിക്കും.
ഇതോടെ അദ്ദേഹം ജിഒ ട്രാൻസിറ്റ്, യുപി എക്സ്പ്രസ്, പ്രെസ്റ്റോ ഫെയർ കാർഡ് പ്രോഗ്രാം, റാപ്പിഡ് ട്രാൻസിറ്റ് വിപുലീകരണ പദ്ധതികൾ എന്നിവയുടെ മേൽനോട്ടം വഹിക്കും. മുൻ പ്രസിഡന്റും സിഇഒയുമായ ഫിൽ വെർസ്റ്റരുടെ അപ്രതീക്ഷിത രാജിയെ തുടർന്നാണ് ഇൻഫ്രാസ്ട്രക്ചർ ഒൻ്റാരിയോയുടെ മുൻ മേധാവി ലിൻഡ്‌സെയെ മെട്രോലിങ്ക്സിന്‍റെ ചുമതലയേൽപ്പിച്ചത്.
