കാനഡയിൽ മെയ് മാസത്തിൽ വീടുകളുടെ വിൽപ്പന ഒരു വർഷം മുമ്പത്തെ അപേക്ഷിച്ച് കുറഞ്ഞുവെന്ന് കനേഡിയൻ റിയൽ എസ്റ്റേറ്റ് അസോസിയേഷൻ റിപ്പോർട്ട് ചെയ്തു. എന്നാൽ ഈ വർഷം ആദ്യമായി മാസാടിസ്ഥാനത്തിൽ വീടുകളുടെ വിൽപ്പന ഉയർന്നു. 2025 മെയ് മാസത്തെ അപേക്ഷിച്ച് 5.1 ശതമാനം ഇടിവിൽ കഴിഞ്ഞ മാസം 47,014 വീടുകളുടെ വിൽപ്പനയാണ് നടന്നത്. എന്നാൽ, ഏപ്രിലുമായി താരതമ്യം ചെയ്യുമ്പോൾ മെയ് മാസത്തിൽ വീടുകളുടെ വിൽപ്പന 5.5% വർധിച്ചു. കൂടാതെ മെയ് മാസത്തെ പുതിയ ലിസ്റ്റിംഗുകൾ കഴിഞ്ഞ മാസത്തെ അപേക്ഷിച്ച് ഒരു ശതമാനം കുറഞ്ഞുവെന്ന് CREA പറയുന്നു.
മെയ് മാസത്തിൽ വിറ്റഴിച്ച ഒരു വീടിന്റെ ദേശീയ ശരാശരി വിൽപ്പന വില 702,079 ഡോളർ ആയിരുന്നു. ഇത് കഴിഞ്ഞ വർഷത്തെ അപേക്ഷിച്ച് 1.5 ശതമാനം കൂടുതലാണ്. കൂടാതെ രണ്ട് വർഷത്തിനിടയിലെ ഏറ്റവും ഉയർന്ന വിലയുമാണിത്.
