കാൽഗറി: കാൽഗറി നോർത്ത് ഈസ്റ്റ് കാസിൽറിഡ്ജ് ഏരിയയിൽ ഒരു വീട്ടിൽ അതിക്രമിച്ചുകയറിയ മൂന്ന് പേർ വെടിവെപ്പ് നടത്തിയതായി കാൽഗറി പോലീസ് റിപ്പോർട്ട് ചെയ്തു. കാസിൽബ്രൂക്ക് വേയിലെ 100 ബ്ലോക്കിലുള്ള വീട്ടിൽ ശനിയാഴ്ച പുലർച്ചെ 4 മണിയോടെയാണ് അക്രമണം നടന്നതെന്ന് പോലീസ് പറഞ്ഞു. വീട്ടിലെ ബേസ്‌മെന്റ് സ്യൂട്ടിന്റെ വാതിൽ പ്രതികൾ ചവിട്ടിപ്പൊളിച്ചാണ് അകത്തുകടന്നത്.
വീട്ടിലെ താമസക്കാർ മുറിക്കുള്ളിൽ പൂട്ടിയിരുന്നതിനാൽ ആക്രമണം നേരിട്ടില്ല. സംഭവത്തിൽ ആർക്കും പരുക്കുകളുമേറ്റിട്ടില്ല. വീട്ടികാർ വെടിയുതിർക്കുന്ന ശബ്ദം കേട്ടതായി പോലീസ് പറഞ്ഞു. വിവരമറിഞ്ഞ് മിനിറ്റുകൾക്കുള്ളിൽ പോലീസ് സ്ഥലത്തെത്തിയെങ്കിലും പ്രതികൾ ഓടി രക്ഷപ്പെട്ടു. ഇത് ലക്ഷ്യം വെച്ചുള്ള ആക്രമണമായിരുന്നുവെന്നും പ്രതികൾക്കായി അന്വേഷണം നടത്തിവരികയാണെന്നും പോലീസ് പറഞ്ഞു.
