ജി 7 ഉച്ചകോടിയുടെ സംഘാടന മികവിൽ കനേഡിയൻ പ്രധാനമന്ത്രി മാർക്ക് കാർണിയെ പ്രശംസിച്ച്‌ ലോക നേതാക്കൾ. ആഗോള പ്രശ്‌നങ്ങൾക്കിടെ മാർക്ക് കാർണി ജി 7 ഉച്ചകോടിയെ വിജയകരമായി നയിച്ചതായി വിദേശ നയ വിദഗ്ധരും അഭിപ്രായപ്പെട്ടു. ആതിഥേയത്വ വേളയിൽ ജി7 രാജ്യങ്ങളെ ഐക്യത്തോടെ നിലനിർത്തിയതിന് ഫ്രഞ്ച് പ്രസിഡന്റ് ഇമ്മാനുവൽ മാക്രോൺ കാർണിയെ പ്രശംസിച്ചു. അതേസമയം അടുത്ത വർഷം ജി 7 ന് ആതിഥേയത്വം വഹിക്കുന്നത് ഫ്രാൻസാണ്.
മിഡിൽ ഈസ്റ്റിനെക്കുറിച്ചുള്ള ജി 7 പ്രസ്താവന കൈകാര്യം ചെയ്യുന്നതിൽ കാർണി പ്രായോഗികതയും വൈദഗ്ധ്യവും കാണിച്ചതായി കാർലെട്ടൺ സർവകലാശാലയിലെ ഇന്റർനാഷണൽ അഫയേഴ്‌സ് പ്രൊഫസറായ ഫെൻ ഓസ്‌ലർ ഹാംപ്‌സൺ പറഞ്ഞു.
