പ്രധാന ആഗോള വിഷയങ്ങൾ ചർച്ച ചെയ്യുന്നതിനായി ജി 7 രാജ്യങ്ങളിലെ വിദേശകാര്യ മന്ത്രിമാർ ഇന്ന് കാനഡയിലെ നയാഗ്രയിൽ യോഗം ചേരും. യുഎസ് സ്റ്റേറ്റ് സെക്രട്ടറി മാർക്കോ റൂബിയോ ഉൾപ്പെടെയുള്ള ഉന്നത നയതന്ത്രജ്ഞർ നയാഗ്ര-ഓൺ-ദി-ലേക്കിൽ നടക്കുന്ന യോഗത്തിൽ പങ്കെടുക്കും. കനേഡിയൻ വിദേശകാര്യ മന്ത്രി അനിത ആനന്ദ് യോഗത്തിന് നേതൃത്വം നൽകും.
ആഗോളതലത്തിൽ നിലനിൽക്കുന്ന അനിശ്ചിതത്വത്തിന്റെ പശ്ചാത്തലത്തിൽ കാനഡയുടെ സാമ്പത്തിക, വ്യാപാര ബന്ധങ്ങൾ വൈവിധ്യവത്കരിക്കുക എന്നതാണ് യോഗത്തിൽ കനേഡിയൻ ആതിഥേയരുടെ പ്രധാന മുൻഗണന. ആഗോള വെല്ലുവിളികളിൽ അന്താരാഷ്ട്ര സഹകരണം ശക്തിപ്പെടുത്തുന്നതിൽ മന്ത്രിമാർ ശ്രദ്ധ കേന്ദ്രീകരിക്കുമെന്നും പ്രതീക്ഷിക്കുന്നു.
