ലണ്ടനിലെ ഇല്‍ഫോര്‍ഡിലുള്ള ഒരു ഇന്ത്യന്‍ റെസ്റ്റോറന്റിന് തീയിട്ട സംഭവത്തില്‍ അഞ്ച് പേര്‍ക്ക് ഗുരുതരമായി പരിക്കേറ്റു. ഇന്ത്യന്‍ അരോമ റെസ്റ്റോറന്റിലാണ് ആക്രമണമുണ്ടായത്. സംഭവവുമായി ബന്ധപ്പെട്ട് മെട്രോപൊളിറ്റന്‍ പോലീസ് രണ്ട് പേരെ അറസ്റ്റ് ചെയ്തു.
അറസ്റ്റിലായവരില്‍ ഒരാള്‍ക്ക് 15 വയസ്സും മറ്റേയാള്‍ക്ക് 54 വയസ്സുമാണ് പ്രായം. റെസ്റ്റോറന്റിലേക്ക് രണ്ട് പേര്‍ കയറിവന്ന് തറയില്‍ ദ്രാവകം ഒഴിച്ച് തീയിടുന്നതിന്റെ സിസിടിവി ദൃശ്യങ്ങള്‍ കണ്ടെത്തിയതിനെ തുടര്‍ന്നാണ് അറസ്റ്റ്. പ്രതികളെ പോലീസ് ചോദ്യം ചെയ്തുവരികയാണ്.
തീപിടിത്തം ഉണ്ടായ ഉടന്‍ റെസ്റ്റോറന്റിനകത്തുണ്ടായിരുന്ന ഒമ്പത് പേര്‍ രക്ഷപ്പെട്ടിരുന്നു. താഴത്തെ നില പൂര്‍ണ്ണമായും കത്തിനശിച്ചു. ഫയര്‍ഫോഴ്‌സ് സ്ഥലത്തെത്തി റെസ്റ്റോറന്റില്‍ കുടുങ്ങിയ അഞ്ച് പേരെ രക്ഷപ്പെടുത്തി. പോലീസ് സ്ഥലത്തെത്തുന്നതിന് മുമ്പ് രക്ഷപ്പെട്ട രണ്ട് പേര്‍ക്കായി തിരച്ചില്‍ തുടരുകയാണ്. അന്വേഷണത്തില്‍ സഹായിക്കാന്‍ കൂടുതല്‍ വിവരങ്ങള്‍ അറിയുന്നവര്‍ മുന്നോട്ട് വരണമെന്ന് മെട്രോപൊളിറ്റന്‍ പോലീസ് അഭ്യര്‍ത്ഥിച്ചു.
