ടാമ്പാ സേക്രഡ് ഹാര്‍ട്ട് ക്‌നാനായ കത്തോലിക്ക ഫൊറോനാ ദേവാലയത്തിലെ വിശ്വാസപരിശീലന പരിപാടിയുടെ പുതിയ അധ്യയന വര്‍ഷത്തെ പ്രവര്‍ത്തനങ്ങള്‍ക്ക് തുടക്കമായി. ഓഗസ്റ്റ് 16 ഞായറാഴ്ച നടന്ന ഉദ്ഘാടനവും ഓപ്പണ്‍ ഹൗസും വിദ്യാര്‍ത്ഥികളുടെയും മാതാപിതാക്കളുടെയും അധ്യാപകരുടെയും ഇടവക ജനങ്ങളുടേയും നിറ സാന്നിധ്യം കൊണ്ട് ശ്രദ്ധേയമായി.
വിദ്യാര്‍ത്ഥികള്‍ക്കും മാതാപിതാക്കള്‍ക്കുമായി നടത്തിയ സംയുക്ത വിശുദ്ധ കുര്‍ബാനയ്ക്കുശേഷം ഇടവക വികാരി ഫാ. ജോസ് അദോപ്പിള്ളില്‍ സണ്‍ഡേ സ്‌കൂള്‍ പ്രവര്‍ത്തനങ്ങള്‍ ഉദ്ഘാടനം ചെയ്തു. തുടർന്ന് പുതിയ മതബോധന ഡയറക്ടറായി (DRE) സിജോയ് സിറിയക് പറപ്പള്ളില്‍ ചുമതലയേറ്റു. ചടങ്ങില്‍ മുന്‍ DRE സാലി കുളങ്ങരയെ ഇടവക ട്രസ്റ്റിമാര്‍ ഉപഹാരം നല്‍കി ആദരിച്ചു. പുതിയ അധ്യയന വര്‍ഷത്തിനായുള്ള ഒരുക്കങ്ങളുടെ ഭാഗമായി തലേദിവസം അധ്യാപകര്‍ക്കായി പ്രത്യേക ഓറിയന്റേഷന്‍ വര്‍ക്ക്ഷോപ്പും സംഘടിപ്പിച്ചിരുന്നു. ഫാ. ജിമ്മി ജെയിംസ് വര്‍ക്ക്ഷോപ്പിന് നേതൃത്വം നല്‍കി.
