ന്യൂയോർക്ക്: 2025ലെ ഫൊക്കാന സാഹിത്യ പുരസ്കാരങ്ങൾക്ക് നോവൽ, കഥ, കവിത, ഓർമക്കുറിപ്പുകൾ എന്നീ വിഭാഗങ്ങളിലെ മൗലിക കൃതികൾ ക്ഷണിച്ചു. 2023 ജൂലൈ ഒന്നിനും 2025 ജൂൺ 30 നുമിടയിൽ ആദ്യ പതിപ്പായി പ്രസിദ്ധീകരിച്ച പുസ്തകങ്ങളാണ് പുരസ്കാരത്തിനായി പരിഗണിക്കുക. 10001 രൂപയും ഫലകവും പ്രശസ്തിപത്രവും അടങ്ങുന്നതാണ് പുരസ്കാരം.
ഓഗസ്റ്റ് രണ്ടിന് കുമരകത്ത് വെച്ച് നടക്കുന്ന ഫൊക്കാന കേരള സാഹിത്യ സമ്മേളനത്തിൽ പുരസ്കാരങ്ങൾ വിതരണം ചെയ്യും. പുസ്തകത്തിന്റെ മൂന്ന് കോപ്പികൾ 2025 ജൂലായ് അഞ്ചിന് മുൻപ് താഴെ പറയുന്ന വിലാസത്തിൽ ലഭ്യമാക്കണം എന്ന് ഫൊക്കാന പ്രസിഡന്റ് സജിമോൻ ആന്റണി അറിയിച്ചു. റിട്ട ഐഎഎസ് ഓഫിസർ കെ .വി .മോഹൻകുമാർ ഫൊക്കാന കേരള സാഹിത്യ സമ്മേളനത്തിന്റെ ചെയർമാനായി നാലംഗ കമ്മിറ്റി പാനലിൽ ഉണ്ടാകും. വിലാസം: ചെയർമാൻ, ഫൊക്കാന സാഹിത്യ പുരസ്കാര സമിതി, സോപാനം, നവമി ഗാർഡൻസ്, തിരുവനന്തപുരം-695017. ഫോൺ: +91 6282622095.
