നഗരത്തിലെ വാർഷിക പ്രോപ്പർട്ടി ടാക്സ് അടയ്‌ക്കേണ്ട അവസാന തീയതി ജൂൺ 30 ആയിരിക്കുമെന്ന് ഓർമ്മിപ്പിച്ച് സിറ്റി അധികൃതർ. എന്നാൽ, നികുതി അടയ്ക്കുന്നതിൽ വീഴ്ച വരുത്തിയാൽ ജൂലൈ 1 മുതൽ പിഴ ഈടാക്കുമെന്നും അധികൃതർ അറിയിച്ചു. 2025-ലെ പ്രോപ്പർട്ടി ടാക്സ് നോട്ടീസുകൾ മെയ് മാസത്തിൽ തന്നെ അയച്ചിരുന്നു. നോട്ടീസ് ലഭിക്കാത്തവർ ഉടൻ 311-ൽ ബന്ധപ്പെടണമെന്നും നിർദ്ദേശമുണ്ട്.

അടയ്‌ക്കാനുള്ള തുകയ്ക്ക് ജൂലൈ 1 മുതൽ 5% പിഴ ചുമത്തും. വർഷാവസാനം കൂടുതൽ പിഴകൾ ഉണ്ടാകാം. അതേസമയം, വൈകി അടയ്ക്കുന്നതിനുള്ള പിഴയിൽ ഇളവ് ലഭിക്കില്ല. ബാങ്കുകളിൽ നേരിട്ടോ, ഫോൺ വഴിയോ ഓൺലൈൻ ബാങ്കിങ് വഴിയോ പണമടയ്ക്കാം. അവസാന തീയതി ആയതിനാൽ തപാൽ വഴി പണമടയ്ക്കുന്നത് ഒഴിവാക്കണമെന്ന് അധികൃതർ മുന്നറിയിപ്പ് നൽകി.