ഓട്ടവ: സ്പോർട്സ് വാതുവെപ്പ് പരസ്യങ്ങൾക്ക് നിയന്ത്രണങ്ങൾ ഏർപ്പെടുത്തണമെന്ന് കാനഡയിലെ ഡോക്ടർമാർ. യുവാക്കളെ ദോഷകരമായ ചൂതാട്ട ശീലത്തിലേക്ക് തള്ളിവിടുന്നതാണ് ഇതെന്നും അവർ അഭിപ്രായപ്പെട്ടു. ഓൺലൈൻ ചൂതാട്ടം നിയമവിധേയമാക്കിയത് എല്ലാ സ്മാർട്ട്ഫോണുകളെയും ഒരു വാതുവെപ്പ് പ്ലാറ്റ്ഫോമാക്കി മാറ്റിയിരിക്കുന്നു എന്നും കനേഡിയൻ മെഡിക്കൽ അസോസിയേഷൻ ജേണലിൽ പ്രസിദ്ധീകരിച്ച ഒരു എഡിറ്റോറിയൽ പറയുന്നു.
19 വയസും അതിൽ കൂടുതലുമുള്ള ആളുകൾക്ക് മാത്രമുള്ളതാണ് വാതുവെപ്പ് സൈറ്റുകൾ എന്ന് പറയുന്നുണ്ടെങ്കിലും, സ്പോർട്സ് ആസ്വദിക്കുന്നതിനൊപ്പം വാതുവെപ്പിന് തുല്യമായ പരസ്യങ്ങൾ യുവാക്കൾക്ക് മുന്നിൽ നിറഞ്ഞുനിൽക്കുന്നതായി എഡിറ്റർ ഡോ. ഷാനൻ ചാർലെബോയിസ് പറയുന്നു. കുട്ടികളുടെയും കൗമാരക്കാരുടെയും തലച്ചോറുകൾ ഇപ്പോഴും വികസിച്ചുകൊണ്ടിരിക്കുകയാണെന്നും ചൂതാട്ട സന്ദേശങ്ങൾ നിരന്തരം കാണുന്നത് അവരുടെ സ്വഭാവത്തെ ദോഷകരമായി ബാധിക്കുമെന്നും അവർ പറയുന്നു.
സ്പോർട്സ് വാതുവെപ്പ് പരസ്യം നിയന്ത്രിക്കുന്നതിനുള്ള ഒരു ബിൽ സെനറ്റിൽ അവതരിപ്പിച്ചിട്ടുണ്ടെന്നും അത് പാസായാൽ പ്രശ്നം പരിഹരിക്കുന്നതിനുള്ള നല്ലൊരു തുടക്കമാകുമെന്നും ചാൾബോയിസ് പറയുന്നു. ചൂതാട്ട പരസ്യങ്ങൾ ഗെയിമുകൾക്കിടയിൽ നിയന്ത്രിക്കുകയും യുവാക്കൾ ഉപയോഗിക്കുന്ന സോഷ്യൽ മീഡിയ പ്ലാറ്റ്ഫോമുകളിൽ നിന്ന് നീക്കം ചെയ്യുകയും വേണമെന്നും അവർ പറഞ്ഞു.
