ഒന്റാരിയോ: കഴിഞ്ഞ ആഴ്ച ആഞ്ഞടിച്ച ഹിമക്കാറ്റിനെ തുടര്‍ന്ന് മുപ്പത്തി അയ്യായിരത്തിലധികം ഒന്റാരിയോ നിവാസികള്‍ ഇരുട്ടില്‍. നിലവില്‍ കാലാവസ്ഥ അനുകൂലമാണെന്നും, വൈദ്യുതി പുനഃസ്ഥാപിക്കാന്‍ നാല്‍പ്പത്തി എട്ടായിരത്തിലധികം ജീവനക്കാര്‍ പ്രവര്‍ത്തിക്കുന്നുണ്ടെന്ന് ഹൈഡ്രോ വണ്‍ പറയുന്നു. പീറ്റര്‍ബ്‌റോയ്ക്കും, ഒറിലിയയ്ക്കും ചുറ്റുമുള്ള പ്രദേശങ്ങളെയാണ് വൈദ്യുതി മുടക്കം ഏറ്റവും കൂടുതല്‍ ബാധിച്ചത്.
ദുരിതബാധിത പ്രദേശങ്ങളില്‍ രണ്ടായിരത്തി മുന്നൂറുലധികം വൈദ്യുതി തൂണുകള്‍ തകര്‍ന്നതായി യൂട്ടിലിറ്റിയുടെ വെബ്സൈറ്റില്‍ പറയുന്നു. മാര്‍ച്ച് 30-ലെ ഹിമക്കാറ്റില്‍ ഒന്റാരിയോയിലെ പത്ത് ലക്ഷത്തിലധികം വീടുകളിലും വ്യാപാര സ്ഥാപനങ്ങളിലും വൈദ്യുതി തടസ്സം നേരിട്ടിരുന്നു.
