ന്യൂ ഡൽഹി : എഎപി, ബിജെപി, കോൺഗ്രസ് എന്നീ പാർട്ടികൾ തമ്മിൽ കടുത്ത മത്സരം നടക്കുന്ന ഡൽഹിയിൽ വോട്ടെണ്ണൽ ആരംഭിച്ചു. എഎപി തുടർച്ചയായ മൂന്നാം തവണയും വിജയിക്കുമെന്നും എന്നാൽ അധികാരം പിടിച്ചെടുക്കുമെന്ന് ബിജെപിയും പ്രതീക്ഷിക്കുന്നു. അതേസമയം ബിജെപി ശക്തമായ മുന്നേറ്റം നടത്തുന്നതായി ആദ്യഫലസൂചനകൾ വ്യക്തമാക്കുന്നു. ബിജെപി 42 സീറ്റുകളിൽ ലീഡ് ചെയ്യുമ്പോൾ ആം ആദ്മി പാർട്ടി 25 സീറ്റുകളിലും ലീഡ് ചെയ്യുന്നു. ഒരു സീറ്റിൽ കോൺഗ്രസും ലീഡ് ചെയ്യുന്നുണ്ട്.
ആദ്യ ഫലസൂചനകൾ വരുമ്പോൾ മുൻ മുഖ്യമന്ത്രി അരവിന്ദ് കേജ്‌രിവാൾ, മുഖ്യമന്ത്രി അതിഷി, മനീഷ് സിസോദിയ എന്നിവർ പിന്നിലാണ്.
