ആൽബെർട്ട: ആൽബെർട്ട ടീച്ചേഴ്‌സ് അസോസിയേഷനും (എടിഎ) പ്രവിശ്യാ സർക്കാരും തമ്മിലുള്ള കരാർ ചർച്ചകൾ പരാജയപ്പെട്ടതിനെ തുടർന്ന് ആൽബെർട്ടയിലെ അധ്യാപകർ പണിമുടക്ക് പ്രഖ്യാപിച്ചേക്കുമെന്ന് സൂചന. ഈ ആഴ്ച ഒരു മധ്യസ്ഥന്റെ സഹായത്തോടെ കരാർ ചർച്ചകൾ പുരോഗമിക്കുകയാണ്.
അതേസമയം, ഇതുവരെ യൂണിയൻ പണിമുടക്ക് നോട്ടീസ് നൽകിയിട്ടില്ല. എന്നാൽ പ്രവിശ്യയിലെ 51,000 അധ്യാപകർ സമരത്തിലേക്ക് നീങ്ങാൻ പദ്ധതിയിടുകയാണെങ്കിൽ യൂണിയൻ 72 മണിക്കൂർ നോട്ടീസ് നൽകണം. വേതനം, ക്ലാസ് മുറികളിലെ സാഹചര്യങ്ങൾ, കുട്ടികളുടെ എണ്ണത്തിലെ വർധന, വിദ്യാർത്ഥികൾക്കുള്ള വിഭവങ്ങൾ തുടങ്ങിയ ചൂണ്ടിക്കാട്ടിയാണ് എടിഎ സമരത്തിനൊരുങ്ങുന്നത്.
