ഫ്‌ലൈറ്റ് അറ്റന്‍ഡന്റുകളുടെ പണിമുടക്ക് അവസാനിച്ചതോടെ ആഭ്യന്തര, വടക്കേ അമേരിക്കന്‍ റൂട്ടുകളിലേക്കുള്ള വിമാന സര്‍വീസുകള്‍ ഇന്ന് പുനരാരംഭിക്കുമെന്ന് എയര്‍ കാനഡ.
അടുത്ത 24 മണിക്കൂറിനുള്ളില്‍ 97 ശതമാനം ആഭ്യന്തര വിമാനങ്ങളും 99 ശതമാനം യുഎസ് വിമാനങ്ങളും സര്‍വീസ് നടത്തുമെന്ന് പ്രതീക്ഷിക്കുന്നതായി ഇന്നലെ എയര്‍ലൈന്‍ അധികൃതര്‍ പറഞ്ഞിരുന്നു.
അന്താരാഷ്ട്ര റൂട്ടുകളില്‍ വിമാനങ്ങള്‍ പുനരാരംഭിക്കുന്നതിന് കൂടുതല്‍ സമയമെടുക്കുമെന്ന് എയര്‍ കാനഡ ചീഫ് ഓപ്പറേഷന്‍സ് ഓഫീസര്‍ മാര്‍ക്ക് നാസര്‍ വ്യക്തമാക്കി. എയര്‍ കാനഡയുടെയും എയര്‍ കാനഡ റൂഷിന്റെയും സേവനം സാധാരണ നിലയിലേക്ക് മടങ്ങാന്‍ 10 ദിവസം വരെ എടുക്കുമെന്ന് പ്രതീക്ഷിക്കുന്നു. അതേസമയം സമരത്തെ തുടര്‍ന്ന് ബുദ്ധിമുട്ടുന്ന യാത്രക്കാര്‍ക്ക് റീഫണ്ട് നല്‍കുമെന്ന് എയര്‍കാനഡഅറിയിച്ചു.
