വിനിപെഗ്: നഗരത്തിൽ മുപ്പത്തിനാലുക്കാരിയായ യുവതിയെ ആക്രമിച്ച സംഭവത്തിൽ പ്രതിയെ അറസ്റ്റ് ചെയ്ത് വിനിപെഗ് പൊലീസ്. വെള്ളിയാഴ്ച രാവിലെ ലില്ലി സ്ട്രീറ്റിന് സമീപമുള്ള റൂപർട്ട് അവന്യൂവിലാണ് യുവതി ആക്രമിക്കപ്പെട്ടത്. സംഭവത്തിൽ നാല്പത്തിയാറുകാരനായ മൈക്കൽ ആൻഡ്രൂ ലാച്ചൻസിക്കെതിരെയാണ് പൊലീസ് കേസെടുത്തത്. സംഭവസ്ഥലത്തുകൂടി നടന്നുപോവുകയായിരുന്ന യുവതിയെ ഇയാൾ ശാരീരികമായി ആക്രമിക്കുകയായിരുന്നു.
ആക്രമത്തിനിടെ നിലത്ത് വീണ യുവതിയെ പ്രതി വീണ്ടും മർദ്ധിച്ചു. സമീപവാസികൾ ഇയാളെ പിടികൂടി പൊലീസിന് കൈമാറുകയായിരുന്നു. സ്ത്രീക്ക് പരുക്കുകളൊന്നും സംഭവിച്ചിട്ടില്ലെന്നും വൈദ്യസഹായം ആവശ്യമില്ലെന്നും പൊലീസ് പറയുന്നു. മൈക്കൽ ആൻഡ്രൂ ലാച്ചൻസിനെതിരെ ആക്രമണം, ഉപദ്രവിക്കൽ, പ്രൊബേഷൻ ഉത്തരവ് പാലിക്കുന്നതിൽ പരാജയപ്പെടൽ എന്നീ കുറ്റങ്ങളാണ് ചുമത്തിയിരിക്കുന്നത്.
