എഡ്മന്റൺ: പ്രവാസലോകത്തെ മലയാളികൾക്കായി ഗൃഹാതുരത്വം ഉണർത്തുന്ന ഒരു മഹാസംഗമം ഒരുങ്ങുന്നു. എഡ്മന്റൺ സെന്റ് ജേക്കബ്സ് സിറിയക് ഓർത്തഡോക്സ് ചർച്ചിന്റെ നേതൃത്വത്തിൽ ജൂൺ 19, 20 തീയതികളിൽ “ഈ മനോഹര തീരം” എന്ന പേരിൽ സംഗീത-ഭക്ഷണ-സിനിമാ വിരുന്ന് സംഘടിപ്പിക്കുന്നു. പ്ലെസന്റ് വ്യൂ കമ്മ്യൂണിറ്റി ലീഗ് (Pleasantview Community League) ഹാളിൽ വെച്ചാണ് ഈ രണ്ട് ദിവസത്തെ പരിപാടി നടക്കുന്നത്.

സംഗീതവും സിനിമയും
70, 80, 90 കാലഘട്ടങ്ങളിലെ മലയാളികളുടെ പ്രിയപ്പെട്ട നിത്യഹരിത ഗാനങ്ങൾ കോർത്തിണക്കിയുള്ള ഗാനമേളയാണ് പരിപാടിയുടെ പ്രധാന ആകർഷണം. കൂടാതെ “കൈരളി ടാക്കീസ്” അവതരിപ്പിക്കുന്ന സിനിമാ പ്രദർശനവും ഉണ്ടായിരിക്കും.

ജൂൺ 19 വെള്ളി (2:00 PM – 9:00 PM):സിനിമാ പ്രദർശനവും സാമ്പിൾ തട്ടുകടയും.

തനി നാടൻ രുചിക്കൂട്ടുകളുമായി ‘തട്ടുകട’
നാട്ടിലെ തട്ടുകടകളെ അനുസ്മരിപ്പിക്കുന്ന വിഭവസമൃദ്ധമായ ഭക്ഷണശാലയാണ് മറ്റൊരു പ്രത്യേകത: ബീഫ് കോംബോ: പൊറോട്ട, എണ്ണ പത്തിരി, ബോളി എന്നിവയോടൊപ്പം സ്വാദിഷ്ടമായ ബീഫ് വിഭവങ്ങൾ. ദോശ വൈവിധ്യങ്ങൾ:തട്ടുദോശ, മസാല ദോശ മുതൽ കുട്ടികൾക്കായി ചോക്ലേറ്റ് ദോശ വരെ. നാടൻ പലഹാരങ്ങൾ: സമോവർ ചായയ്‌ക്കൊപ്പം കട്‌ലറ്റ്, പരിപ്പുവട, അച്ചപ്പം, പഴംപൊരി, ഉന്നക്കായ എന്നിവ. മധുരവും കുളിർമയും: തിരുവനന്തപുരം ബോളി-അടപ്രഥമൻ കോംബോ, കുലുക്കി സർബത്ത്, പലതരം ഐസ്ക്രീമുകൾ.

ജൂൺ 20 ശനി (10:00 AM – 10:00 PM):സാംസ്കാരിക പരിപാടികളും വിഭവസമൃദ്ധമായ തട്ടുകടയും.

വൈകുന്നേരം 6:00 മുതൽ 8:30 വരെ മുഖ്യ ആകർഷണമായ ഗാനമേള നടക്കും. 10 ഡോളർ നിരക്കിലുള്ള ലക്കി ഡ്രോ വഴി തിരഞ്ഞെടുക്കപ്പെടുന്നവർക്ക് ആകർഷകമായ സമ്മാനങ്ങളും ലഭിക്കും. ഇത് ഒരു സാമ്പിൾ മാത്രമാണെന്നും കൂടുതൽ സർപ്രൈസ് ഐറ്റങ്ങൾ വരാനിരിക്കുന്നതേയുള്ളൂ എന്നും സംഘാടകർ അറിയിച്ചു. എഡ്മന്റണിലെ എല്ലാ മലയാളി കുടുംബങ്ങളെയും ഈ ഗൃഹാതുര സംഗമത്തിലേക്ക് സ്വാഗതം ചെയ്യുന്നതായി സെന്റ് ജേക്കബ്സ് സിറിയക് ഓർത്തഡോക്സ് ചർച്ച് ഭാരവാഹികൾ അറിയിച്ചു.

സ്ഥലം:ST. JACOB’S SYRIAC ORTHODOX CHURCH, EDMONTON.

തീയതി: 2026 ജൂൺ 19, 20.