വത്തിക്കാന് സിറ്റി : ലിയോ പതിനാലാമന് മാര്പാപ്പായുടെ ഔദ്യോഗിക സ്ഥാനാരോഹണം മെയ് 18 ന് വത്തിക്കാനിലെ വിശുദ്ധ പത്രോസിന്റെ ബസിലിക്കയില് നടക്കും. പാപ്പയുടെ കാര്മ്മികത്വത്തില് ഇന്ന് സെന്റ് പീറ്റേഴ്സ് ചത്വരത്തില് കുര്ബാന നടക്കും. ഫ്രാന്സിസ് മാര്പാപ്പയുടെ കല്ലറയിലെത്തി ലിയോ പതിനാലാമന് പ്രാര്ത്ഥിച്ചു. മുന്ഗാമിയായ ഫ്രാന്സിസ് മാര്പാപ്പയുടെ പാത പിന്തുടരുമെന്നും പുതിയ പോപ്പ് വ്യക്തമാക്കി.
മാര്പാപ്പയുടെ ഔദ്യോഗിക വസതിയില് തന്നെ ലിയോ പതിനാലാമന് താമസിക്കുമെന്നാണ് സൂചന. ഇന്നലെ കര്ദ്ദിനാളന്മാരുമായി കൂടിക്കാഴ്ച നടത്തിയ മാര്പ്പാപ്പ നാളെ ആദ്യമായി മദ്ധ്യാഹ്ന പ്രാര്ത്ഥന നയിക്കും. സ്ഥാനാരോഹണത്തിന് മുന്പ് തന്നെ അദ്ദേഹം കൂടിക്കാഴ്ചകള് ആരംഭിക്കും. നാളെ മാധ്യമപ്രവര്ത്തകരുമായും പതിനാറാം തീയതി നയതന്ത്ര പ്രതിനിധികളുടെ തലവന്മാരുമായും കൂടിക്കാഴ്ച നടത്തും. 21ന് അദ്ദേഹം വിശ്വാസികളെയും കാണുമെന്നും റിപ്പോര്ട്ടുകളുണ്ട്.
