വാഷിങ്ടണ് : അമേരിക്കയിലെ ആയിരത്തിലധികം വിദേശ വിദ്യാര്ഥികളുടെ വീസ യുഎസ് സര്ക്കാര് റദ്ദാക്കി. ഏകദേശം അമ്പത് ശതമാനത്തോളം വിദ്യാര്ഥികളാണ് ഇതില് ഉള്പ്പെടുന്നത്. വീസ റദ്ദാക്കിയതില് പകുതിയോളം ഇന്ത്യക്കാരും 14% ചൈനക്കാരുമാണ് ഉള്ളത്.
ദക്ഷിണ കൊറിയ, നേപ്പാള്, ബംഗ്ലാദേശ് എന്നിവയാണ് മറ്റ് രാജ്യങ്ങള്. വീസ റദ്ദാക്കിയതിന് പിന്നില് പാര്ക്കിങ് പിഴകളും അമിത വേഗതയും ചെറിയ പിഴകളുമാണ് ചൂണ്ടികാണിക്കുന്നത്. അമേരിക്കന് സര്ക്കാരിന്റെ ഈ അപ്രതീക്ഷിത നീക്കം ഹാര്വാര്ഡ്, സ്റ്റാന്ഫോര്ഡ്, മിഷിഗണ് സര്വകലാശാല, ഒഹായോ സ്റ്റേറ്റ് സര്വകലാശാല എന്നിവയുള്പ്പെടെ 160 ലധികം ഉന്നത വിദ്യാഭ്യാസ സ്ഥാപനങ്ങളിലെ വിദ്യാര്ഥികളെയാണ് കൂടുതലായി ബാധിച്ചിരിക്കുന്നത്. വിഷയത്തില് ചില വിദ്യാര്ഥികള് സര്ക്കാരിനെതിരെ കേസുകള് ഫയല് ചെയ്തിട്ടുണ്ട്.
