ടൊറൻ്റോ: കനത്ത മഞ്ഞുവീഴ്ചയെത്തുടർന്ന് ഒൻ്റാരിയോയിലുടനീളം മെയിൽ ഡെലിവറി താൽക്കാലികമായി നിർത്തിവെച്ചതായി കാനഡ പോസ്റ്റ്. വ്യാഴാഴ്ച രാവിലെ “റെഡ് ഡെലിവറി സർവീസ് അലർട്ട്” നൽകിയതായി ക്രൗൺ കോർപ്പറേഷൻ അറിയിച്ചു. കാലാവസ്ഥ അനുകൂലമാകുന്നതോടെ സർവീസ് പുനഃരാരംഭിക്കുമെന്ന് കാനഡ പോസ്റ്റ് അറിയിച്ചു. റെഡ് സർവീസ് അലേർട്ട് അർത്ഥമാക്കുന്നത് മെയിൽ സർവീസ് താൽക്കാലികമായി നിർത്തിവയ്ക്കുകയോ ഡെലിവറി ഏജൻ്റുമാരെ പുറത്തേക്ക് അയയ്ക്കുകയോ അവരെ തിരിച്ചുവിളിക്കുകയോ ചെയ്യുന്നില്ല എന്നാണെന്ന് കാനഡ പോസ്റ്റ് വ്യക്തമാക്കി.
ടൊറൻ്റോ പിയേഴ്സൺ ഇൻ്റർനാഷണൽ എയർപോർട്ടിൽ ബുധനാഴ്ച രാത്രിക്കും വ്യാഴാഴ്ച രാവിലെയ്ക്കും ഇടയിൽ 26 സെൻ്റീമീറ്റർ മഞ്ഞുവീഴ്ചയുണ്ടായി. ജനുവരി മാസം മുഴുവൻ വിമാനത്താവളത്തിൽ രേഖപ്പെടുത്തിയതിനേക്കാൾ കൂടുതൽ മഞ്ഞുവീഴ്ചയാണിത്. രാജ്യതലസ്ഥാനമായ ഓട്ടവ ഉൾപ്പെടെ പ്രവിശ്യയിലെ മറ്റ് പ്രദേശങ്ങളിൽ ഏകദേശം 30 സെൻ്റീമീറ്റർ മഞ്ഞുവീഴ്ചയുണ്ടായി. മോശം കാലാവസ്ഥ കാരണം ഗ്രേറ്റർ ടൊറൻ്റോ മേഖലയിലേയും ഒൻ്റാരിയോയിലെ മറ്റു പ്രദേശങ്ങളിലെയും സ്കൂളുകൾ വ്യാഴാഴ്ച രാവിലെ അടച്ചു.
