വാഷിംഗ്ടൺ : കാനഡ,മെക്സിക്കോ എന്നിവിടങ്ങളിൽ നിന്നുള്ള സ്റ്റീൽ, അലുമിനിയം ഉൽപ്പന്നങ്ങൾക്ക് 25% താരിഫ് ചുമത്തുമെന്ന് യുഎസ് പ്രസിഡൻ്റ് ഡോണൾഡ് ട്രംപ്. മറ്റ് ഉൽപ്പന്നങ്ങൾക്കുള്ള തീരുവകൾ കൂടി തിങ്കളാഴ്ച പ്രഖ്യാപിക്കുമെന്ന് ട്രംപ് വ്യക്തമാക്കി.അമേരിക്കയിലേക്ക് ഇറക്കുമതി ചെയ്യുന്ന ഏതൊരു സ്റ്റീൽ ഉൽപ്പന്നങ്ങൾക്കും 25% താരിഫ് ഉണ്ടാവും. കൂടാതെ അലൂമിനിയത്തിനും തീരുവ ബാധകമാകുമെന്ന് അദ്ദേഹം വ്യക്തമാക്കി.
പരസ്പര താരിഫുകൾ പ്രഖ്യാപിക്കപ്പെട്ടേക്കാം. മറ്റൊരു രാജ്യം യുഎസ് സാധനങ്ങൾക്ക് തീരുവ ചുമത്തുന്ന സന്ദർഭത്തിൽ യുഎസ് ഉൽപ്പന്നങ്ങൾക്ക് ഇറക്കുമതി തീരുവ പ്രഖ്യാപിക്കും. അവർ ഞങ്ങളിൽ നിന്ന് 130% ഈടാക്കുകയും നമ്മൾ അവരിൽ നിന്ന് ഒന്നും ഈടാക്കാതിരിക്കുകയും ചെയ്താൽ അത് തുടർന്നുപോകാൻ സാധിക്കില്ലെന്നും അദ്ദേഹം പറഞ്ഞു.
