newsroom@amcainnews.com

ഇന്ത്യൻ വിദ്യാർത്ഥികൾക്ക് തിരിച്ചടി: കുടിയേറ്റ, വീസ നിയന്ത്രണങ്ങളുമായി യുഎസ്-കാനഡ

ഓട്ടവ : വീസ-കുടിയേറ്റ നയങ്ങളിൽ യുഎസ്-കാനഡ സർക്കാരുകൾ കർശന നിയന്ത്രണം വരുത്തിയതോടെ പ്രതിസന്ധിയിലായി ഇന്ത്യൻ വിദ്യാർത്ഥികൾ. ട്രംപ് ഭരണകൂടം വീസ, കുടിയേറ്റ നയങ്ങൾ കടുപ്പിക്കുകയും അടുത്ത വർഷം മുതൽ 2029 വരെ വിദേശ വിദ്യാർത്ഥികളുടെ എണ്ണം നിയന്ത്രിക്കാൻ കനേഡിയൻ സർക്കാർ തീരുമാനിച്ചതും ഇന്ത്യൻ വിദ്യാർത്ഥികൾക്ക് തിരിച്ചടിയായി.

2029 വരെ വിദേശ വിദ്യാർത്ഥികളുടെ എണ്ണം നിയന്ത്രിക്കാൻ കാനഡയിലെ ഫെഡറൽ സർക്കാർ തീരുമാനിച്ചത് ഇന്ത്യൻ വിദ്യാർത്ഥികൾക്ക് തിരിച്ചടിയാകും. ഓരോ വർഷവും 1.5 ലക്ഷം വിദേശ വിദ്യാർത്ഥികൾക്ക് മാത്രമായിരിക്കും ഇനി സ്റ്റഡി പെർമിറ്റ് അനുവദിക്കുക. കൂടാതെ താൽക്കാലിക തൊഴിലാളികളുടെ എണ്ണത്തിനും പരിധി നിശ്ചയിച്ചിട്ടുണ്ട് കനേഡിയൻ സർക്കാർ. 2023-ൽ 2,78,045 ഇന്ത്യൻ വിദ്യാർത്ഥികൾക്ക് കാനഡ സ്റ്റഡി പെർമിറ്റ് അനുവദിച്ചിരുന്നു. എന്നാൽ, 2024-ൽ ഇത് 1,88,465 ലക്ഷമായും 2025-ൽ 94,025 ആയും കുറഞ്ഞതായി ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC) അറിയിച്ചു.

കുടിയേറ്റ നയങ്ങൾ കടുപ്പിച്ചതോടെ യുഎസിലെ ഉന്നതവിദ്യാഭ്യാസ സ്ഥാപനങ്ങളിൽ ഇന്ത്യൻ വിദ്യാർത്ഥികളുടെ എണ്ണം കുറഞ്ഞതായി വിവിധ റിപ്പോർട്ടുകൾ സൂചിപ്പിക്കുന്നു. 2025-26 അധ്യയന വർഷം ഇന്ത്യൻ വിദ്യാർത്ഥികളുടെ എണ്ണത്തിൽ 6.5% ഇടിവാണ് രേഖപ്പെടുത്തിയത്. നിലവിൽ യുഎസിൽ 3,39,435 ഇന്ത്യൻ വിദ്യാർത്ഥികളാണുള്ളത്. വീസ പരിശോധന കർശനമാക്കിയതും പഠനശേഷമുള്ള തൊഴിലവസരങ്ങളിലെ അനിശ്ചിതാവസ്ഥയുമാണ് വിദ്യാർത്ഥികളുടെ എണ്ണത്തിലെ കുറവിന് കാരണമായി ചൂണ്ടിക്കാണിക്കുന്നത്.

You might also like
Quebecor makes $31B offer to acquire Telus

ടെലസിനെ ഏറ്റെടുക്കാൻ 31 ബില്യൺ ഡോളറിന്റെ വാഗ്ദാനവുമായി ക്യുബെക്കോർ

120-year-old church bell weighing 300 pounds stolen from belfry in rural Manitoba

ഗ്രാമീണ മാനിറ്റോബയിലെ പള്ളിഗോപുരത്തിൽ നിന്ന് 120 വർഷം പഴക്കമുള്ള 300 പൗണ്ട് ഭാരമുള്ള മണി മോഷണം പോയി

യുഎസ് സർവകലാശാലകളുടെ വിദേശ ധനസഹായം: ട്രംപ് ഭരണകൂടത്തിന്‍റെ നീക്കത്തിന് കോടതി വിലക്ക്

വ്യോമഗതാഗത നിയന്ത്രണ സംവിധാനം നവീകരിക്കാൻ അടിയന്തര നടപടി ആവശ്യപ്പെട്ട് ട്രംപ്

കനത്ത മഴ, വെള്ളപ്പൊക്കം: ബ്രിട്ടിഷ് കൊളംബിയയിലെ പെംബർട്ടണിൽ ഒഴിപ്പിക്കൽ ഉത്തരവ്

യുഎസില്‍ അഞ്ചാംപനി പടരുന്നു; രോഗബാധിതരുടെ എണ്ണം 5,400 കടന്നു, മരണം പത്തായി

Top Picks for You
Top Picks for You