ഇറാനിൽ നിന്നുള്ള സുരക്ഷാ ഭീഷണിയെ തുടർന്ന് യുകെയിലെ രണ്ടാമത്തെ വ്യോമതാവളത്തിൽ നിന്നും യുഎസ് സൈന്യം തങ്ങളുടെ വിമാനങ്ങൾ ഒഴിപ്പിച്ചതായി വാൾ സ്ട്രീറ്റ് ജേണൽ (Wall Street Journal) റിപ്പോർട്ട് ചെയ്തു. റഗ്ബിയിലെ RAF ഫെയർഫോർഡ് (RAF Fairford) വ്യോമതാവളത്തിൽ ഇറാൻ ബന്ധമുള്ള സുരക്ഷാ ആശങ്കകളെ തുടർന്ന് യുഎസ് ബോംബർ വിമാനങ്ങൾ പിൻവലിച്ചതിന് ആഴ്ചകൾക്ക് ശേഷമാണ് പുതിയ സംഭവം.
RAF മിൽഡൻഹാൾ (RAF Mildenhall) മിലിട്ടറി ബേസിലുണ്ടായിരുന്ന രണ്ട് യുഎസ് റീഫ്യുവലിംഗ് ടാങ്കർ വിമാനങ്ങൾ തിങ്കളാഴ്ച രാവിലെ ജർമ്മനിയിലേക്ക് തിരിച്ചുവിട്ടു. തുടർന്ന് അവിടെയുണ്ടായിരുന്ന മറ്റ് നിരവധി ടാങ്കർ വിമാനങ്ങളും ജർമ്മനിയിലേക്കും മറ്റ് കേന്ദ്രങ്ങളിലേക്കും മാറ്റിയതായി റിപ്പോർട്ടിൽ പറയുന്നു. RAF മിൽഡൻഹാളിന് നേരെയുണ്ടായ ഭീഷണിയുടെ കൃത്യമായ വിവരങ്ങൾ നിലവിൽ യുഎസ് ഉദ്യോഗസ്ഥർ പരിശോധിച്ച് വരികയാണ്.
“മറ്റു രാജ്യങ്ങളുടെ സൈനിക നീക്കങ്ങളെക്കുറിച്ച് ഞങ്ങൾ സാധാരണയായി പ്രതികരിക്കാറില്ല. പ്രവർത്തനപരമായ ആവശ്യങ്ങൾക്കനുസരിച്ച് വിമാനങ്ങളും മറ്റ് സംവിധാനങ്ങളും പതിവായി മാറ്റാറുണ്ട്,” ബ്രിട്ടീഷ് പ്രതിരോധ മന്ത്രാലയം വക്താവ് വ്യക്തമാക്കി.
കഴിഞ്ഞ സെപ്റ്റംബറിൽ RAF ഫെയർഫോർഡ് ബേസിന് പുറത്തുനിന്നും അഞ്ച് ബ്രിട്ടീഷ് പൗരന്മാർ അറസ്റ്റിലായതിനെ തുടർന്നാണ് മുൻകരുതലിന്റെ ഭാഗമായി B-1 ബോംബർ വിമാനങ്ങൾ യുഎസ് അവിടെനിന്ന് മാറ്റിയിരുന്നത്. ഇറാനിലെ കേന്ദ്രങ്ങളിൽ ആക്രമണം നടത്തുന്നതിനായി അമേരിക്കൻ ബോംബറുകൾ ഉപയോഗിച്ചിരുന്ന പ്രധാന കേന്ദ്രങ്ങളിലൊന്നായിരുന്നു RAF ഫെയർഫോർഡ്.
