വൻകൂവർ : വടക്കൻ ബ്രിട്ടിഷ് കൊളംബിയയിലുണ്ടായ ബസ് അപകടത്തിൽ നിരവധി പേർക്ക് പരുക്കേറ്റു. ബുധനാഴ്ച രാവിലെ 9:10-ഓടെ മക്കൻസിക്ക് സമീപം ഹൈവേ 39-ലാണ് അപകടമുണ്ടായത്. നിയന്ത്രണം നഷ്ടപ്പെട്ട ബസ് റോഡിൽ നിന്നും തെന്നി മാറി മറിയുകയായിരുന്നു. അപകടത്തിൽ ബസിലുണ്ടായിരുന്ന ഇരുപതോളം പേർക്ക് പരുക്കേറ്റതായും ഇവരിൽ ചിലരുടെ നില ഗുരുതരമാണെന്നും പൊലീസ് അറിയിച്ചു. സംഭവത്തെത്തുടർന്ന്, പ്രദേശത്തെ രണ്ട് ആശുപത്രികളിൽ ‘കോഡ് ഓറഞ്ച്’ (Code Orange) പ്രഖ്യാപിച്ചു.

മക്കൻസിയിലും പ്രിൻസ് ജോർജിലും പ്രവർത്തിക്കുന്ന ‘ഐ.ആർ.ഇ.എൻ’ (IREN) എന്ന ബഹുരാഷ്ട്ര ഡാറ്റാ സെന്‍റർ കമ്പനി ജീവനക്കാർ സഞ്ചരിച്ചിരുന്ന ബസാണ് അപകടത്തിൽപ്പെട്ടത്. ബസിൽ ഡ്രൈവറടക്കം ഏകദേശം 20 യാത്രക്കാരുണ്ടായിരുന്നു. അപകടകാരണം വ്യക്തമല്ല. അന്വേഷണം ആരംഭിച്ചു.