ന്യൂയോർക്ക് സിറ്റി മേയർ സൊഹ്‌റാൻ മമ്ദാനിയുടെ ‘ഡെമോക്രാറ്റിക് സോഷ്യലിസ്റ്റ്സ് ഓഫ് അമേരിക്ക’ (DSA) കൂട്ടാളിയായ ചി ഒസേയ്ക്ക് സിറ്റി കൗൺസിൽ അംഗങ്ങളിൽ വച്ച് ഏറ്റവും മോശം ഹാജർ നിലയാണെന്ന് രേഖകൾ വ്യക്തമാക്കുന്നു. ഈ നിയമനിർമ്മാണ സമ്മേളനത്തിൽ 51 കൗൺസിൽ അംഗങ്ങളിൽ ഭൂരിഭാഗവും പൂർണ്ണ ഹാജർ നില നിലനിർത്തിയപ്പോഴും, ഈ ഇടത് പക്ഷ നിയമസഭാംഗം നിർബന്ധമായും പങ്കെടുക്കേണ്ട 18 യോഗങ്ങളിൽ നാലെണ്ണത്തിൽ കൃത്യമായ കാരണങ്ങളില്ലാതെ ഹാജരായിരുന്നില്ല. കഴിഞ്ഞ ആഴ്ച നടന്ന യോഗത്തിൽ ഒസേയുടെ ഈ മോശം ഹാജർ നിലയെ അദ്ദേഹത്തിന്റെ സഹ ഡെമോക്രാറ്റുകളിൽ ഒരാൾ ചോദ്യം ചെയ്യുകയുമുണ്ടായി.
“നിങ്ങളുടെ ഹാജർ നിലയിൽ തന്നെ എല്ലാം വ്യക്തമാണ്: ഈ സെഷനിൽ 51 കൗൺസിൽ അംഗങ്ങളിൽ വച്ച് ഏറ്റവും കുറഞ്ഞ ഹാജർ നില നിങ്ങളുടേതാണ്. ഇനി നിശ്ചയിച്ച സാധാരണ യോഗങ്ങളിൽ സാങ്തികവിദ്യ (Zoom) വഴി പങ്കെടുത്താൽ തന്നെ എത്രയും വേഗം ലോഗ് ഔട്ട് ചെയ്യാനാണ് നിങ്ങൾ ശ്രമിക്കുന്നത്,” കൗൺസിൽ അംഗം ഓസ്വാൾഡ് ഫെലിസ് (D-15) പരിഹസിച്ചു. ക്രമസമാധാന പരിപാലന പരിഷ്കരണ പ്രവർത്തകരുടെയും ഡിഎസ്എയുടെയും പ്രധാന ലക്ഷ്യങ്ങളിലൊന്നായ എൻവൈപിഡിയുടെ (NYPD) ‘സ്ട്രാറ്റജിക് റെസ്‌പോൺസ് ഗ്രൂപ്പ്’ പിരിച്ചുവിടാനുള്ള തന്റെ ബിൽ പബ്ലിക് സേഫ്റ്റി കമ്മിറ്റി ചെയർമാനായ ഫെലിസ് തടഞ്ഞുവെച്ചതായി ഒസേ ആരോപിച്ചതിന് തൊട്ടുപിന്നാലെയാണ് ഈ രൂക്ഷമായ വിമർശനം ഉയർന്നുവന്നത്.
